Tags-Kamar

pyāre kamar kahāñ hai tumhāre yūñhī ba-zan
sun kar kisī se jhuuT par isrār mat karo

kamar us kī rashk rag-e-jāñ hai 'mīr'
ġharaz is se bārīk-tar kuchh nahīñ

vaqt-e-sahar hai uTTho kamar tum bhī bāñdh lo
sūraj nikal rahā hai na.ī raushnī ke saath

jo sub.h-e-pīrī huī huvaidā sadā adam se huī ye paidā
namāz paḌh ke na ab Thahariye savere kasiye kamar ko chaliye

samjhā thā maiñ kamar hī talak zulf kā kamāl
vo paañv se bhī aage ka.ī haat baḌh ga.ī

paḌā donoñ zulfoñ kā un kī jo aks
nazākat se dohrī kamar ho ga.ī

ye bārīk un kī kamar ho ga.ī
ki nazroñ meñ tār-e-nazar ho ga.ī

vo rakh ke haath se ā.īna tan ke baiTh ga.e
dahan ko dekh chuke ab kamar ko dekhte haiñ

muñh meñ tamāñche chhātī meñ ghūñsa kamar meñ laat
kyā kyā huiiñ ye mujh pe ināyāteñ Thīk-Thīk

kamar-e-yār hai bārīkī se ġhā.eb har chand
magar itnā to kahūñgā ki vo ma.adūm nahīñ

tayyār raho har-dam marne pe kamar bāñdhe
dar-pesh-e-ḳhudā jaane kab ye safar aa jaa.e

ulfat hai kis kī kaisī mohabbat kahāñ kā ishq
ma.adūm tū to fikr-e-dahān-o-kamar meñ hai

vo ḳhuun kī maujeñ haiñ har ik sū ki kamar tak
farḳhanda jamāloñ kī qabā Duub chalī hai

burā kyā hai bāñdho agar teġh-o-ḳhanjar
magar pahle apnī kamar dekh lenā

hue haiñ mahrūm-e-dīd-e-be-dil kiyā tajāhul kā us ne bismil
vo dil-rubā ban gayā hai qātil kamar ko kas ke safar ko chaliye

toḌ de jab kamar-e-shāḳh samar hī us kā
kyā tavaqqo.a rakhe apnī koī aulād se ab

be-nishāñ hai vo kamar shakl-e-dahan
kaun sī shai hai nahīñ jis kā javāb

pūchhtā gar us kamar kā maiñ nishāñ
ġhaib se miltā mujhe is kā javāb

marte jiite hī rahe ham to ajī dam dam meñ
na kamar us ne dikhā.ī na dahan dikhlāyā

nāzukī kahte haiñ us ko ki hazāroñ bal khāte
tā-kamar yaar kā jab gesu-e-pur-ḳham aayā