Tags-Kashmakash

ajab ik kashmakash sī andarūñ hai
ziyā bhī kaalī kaalī hai dinoñ ba.ad

zindagī kar ga.ī tūfāñ ke havāle mujh ko
ai ajal kashmakash-e-ġham se chhuḌā le mujh ko

vo kitāb-e-sulh kā sar-varaq ki miTā.ī kashmakash-e-firaq
vo qatīl-e-ḳhanjar-e-sabr-o-haq ki vatan pe ḳhud ko miTā diyā

mirā zauq-e-sajda hai zāhirī ki hai kashmakash mirī zindagī
ye gumān dil meñ rahā sadā mirā mudda.ā koī aur hai

kuchh din kī aur kashmakash-e-zīst hai 'asar'
achchhī burī guzarnī thī jaisī guzar ga.ī

pahuñchī yahāñ bhī shaiḳh o barhaman kī kashmakash
ab mai-kada bhī sair ke qābil nahīñ rahā

apnā paikar bhī mujhe zindāñ nazar aane lagā
kashmakash meñ huuñ rihā.ī ḳhud se pā.ūñ kis tarah

sivā.e kashmakash-o-iztirāb kyā hāsil
kured qismat o anjām kī nahīñ achchhī

ajiib kashmakash hai kaise harf-e-mudda.ā kahūñ
vo pūchhte haiñ hāl-e-dil maiñ sochtā huuñ kyā kahūñ

yaañ tum ko ye āvāz-e-daf-o-chañg mubārak
be-kashmakash-e-ḳhirqa-o-tasbīh-o-ridā raqs

jab husn ḳhud-numā hai aur ishq raḳhna-afgan
is kashmakash meñ parda niklegā darmiyāñ se

soz-e-ġham de ke mujhe us ne ye irshād kiyā
jā tujhe kashmakash-e-dahr se āzād kiyā

is kashmakash meñ ham bhī thake to haiñ ai 'munīr'
shahr-e-ḳhudā sitam se magar paak to huā

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

ye ham jāneñ hamārī naav jaane yā bhañvar jaane
hamārī kashmakash meñ ab na aa.e nā-ḳhudā koī

rāh-e-talab meñ ahl-e-dil jab had-e-ām se baḌhe
kashmakash-e-hayāt ke aur bhī hausle baḌhe

tamām umr na bhaTke kahīñ tū merī tarah
huuñ kashmakash meñ jo kahnā hai vo kahūñ na kahūñ

ye kashmakash zamāne kī allāh kī panāh
jiinā to jiinā marnā bhī āsāñ na ho sakā

naḳhchīr huuñ maiñ kashmakash-e-fikr-o-nazar kā
haq mujh se adā ho na dar-o-bast-e-hunar kā

dair-o-haram ke log bhī darmāñ na kar sake
vo bhī asīr-e-kashmakash-e-īn-o-āñ mile