Tags-Kashmakash

sho.ale sā rañg kyā hai vo husn-e-karishma-sāz
haiñ kashmakash meñ dekhne vaale paḌe hue

dekh kar kashmakash manāzir kī
aañkh uThānā bhī nāgavār sā hai

ghirā rahā maiñ ajab kashmakash ke aalam meñ
ki jab talak mire sāñsoñ kī suut kat na ga.ī

rasā.ī marg-e-shauq-uftādgī nañg-e-tan-āsānī
balā kī kashmakash hai aur ġhubār-e-nā-tavāñ merā

zindagī kashmakash-e-vaqt meñ guzrī apnī
din ne jiine na diyā raat ne marne na diyā

hai jaan mirī kashmakash-e-naz.a meñ din-rāt
armān to kyā dam bhī nikalne nahīñ dete

shoḳhī se kashmakash nahīñ achchhī hijāb kī
khul jā.egī girah tire band-e-naqāb kī

pūchho na hāl-e-kashmakash-e-yās-o-ārzū
vo bhī ajiib marhala-e-jāñ-gudāz thā

kuchh apne-āp se hī use kashmakash na thī
mujh meñ bhī koī shaḳhs usī kā raqīb thā

kah dūñgā jo kī pursish-e-āmāl ḳhudā ne
fursat hī na dī kashmakash-e-bīm-o-rajā ne

adab hai aur yahī kashmakash to kyā kiije
hayā hai aur yahī gū-magū to kyūñkar ho

aao mere dil-e-afsurda kī tamkīñ dekho
jaao is kashmakash-e-nāz se maiñ dar-guzarā

ajab sī ik kashmakash meñ gum the sabhī fasāne sabhī tarāne
so ham ne bhī hai bhulāyā us ko bas ik thā qissa purānā chhoḌo

sarāb o aab kī ye kashmakash bhī ḳhatm hī samjho
chalo mauj-e-sadā ban kar kisī gumbad meñ rahte haiñ

vo kashmakash bhī shanāsā.iyoñ kī kyā hogī
mileñge ḳhud se jab apne sifāl thāme hue

us ko thī kashmakash-e-dair-o-haram se nafrat
us sā hindū na koī us sā musalmāñ yaaro

mirī bazm-e-fikr meñ hai yahī kashmakash azal se
kabhī chhā ga.ī haqīqat to kabhī jam gayā fasāna

amn ke ḳhvāhāñ haiñ jab 'afsar' jahāñ vaale tamām
kashmakash rahtī hai phir itnī jahāñ-bānoñ meñ kyuuñ

dil ḳhūñ-shuda-e-kashmakash-e-hasrat-e-dīdār
ā.īna ba-dast-e-but-e-bad-mast hinā hai