Tags-Kashmakash

maare hue haiñ kashmakash-e-vahm-o-yaqīñ ke
TuuTe hue har but se tarāshe haiñ sanam aur

gayā to bhuul gayā koī dard-e-zaḳhm kā haal
vo kashmakash hai ki ġham se lipaT rahā huuñ maiñ

us kā firāq bhī ziyāñ us kā visāl bhī ziyāñ
ek ajiib kashmakash halqa-e-be-dilāñ meñ hai

is daur-e-kashmakash meñ mohabbat kā naam bhī
dānista log bhuul na jaa.eñ to kyā kareñ

kashmakash meñ na ruuh paḌ jaa.e
yuuñ to marne kā kuchh hirās nahīñ

ik kashmakash meñ ab haiñ samundar paḌe hue
sahrā kī tah meñ phir koī pyāsā utar gayā

hai kashmakash meñ aaj baḌī zindagī mirī
huuñ muntazir ki koī to rasta dikhā.ī de

kahāñ fursat zamān-e-kashmakash meñ
munāsib hai abhī kuchh raah kar le

hai ajab sī kashmakash dil meñ 'asar'
kis ko bhūleñ kis ko rakkheñ yaad ham

markaz-e-rūh ye hai kashmakash-e-maut-o-hayāt
phir bhī vāraftagī-e-shauq pe ilzām aayā

ai āftāb-e-sub.h farāġhat idhar kahāñ
ham log pī rahe haiñ abhī zahr-e-kashmakash

maiñ ne dekhā hai use yā nahīñ dekhā us ko
maiñ abhī tak to usī kashmakash-e-dīd meñ huuñ

rahne do mat bujhāo mire āñsuoñ kī aag
is kashmakash meñ aap kā dāman na jal paḌe

har ek moḌ pe duniyā ko ham ne dekh liyā
sivā.e kashmakash-e-rozgār kuchh bhī nahīñ

tire ahl-e-dard ke roz-o-shab isī kashmakash meñ guzar ga.e
kabhī ġham meñ Duub ke rah ga.e kabhī Dūbte hī ubhar ga.e

maslak hai mohabbat kā val-itmām minallāh
kyoñ kashmakash-e-ḳhātir-e-nākām hameñ do

chhuḌā mashshāta zulf-e-yār ko shāne ke nīche se
ki us kī kashmakash se dil ko mere pech-o-tābī hai

hijāb o jalve kī kashmakash meñ uThāyā us ne naqāb aadhā
idhar huvaidā sahāb aadhā udhar ayaañ māhtāb aadhā

isī kashmakash meñ guzrīñ mirī zindagī kī rāteñ
kabhī soz-o-sāz-e-'rūmī' kabhī pech-o-tāb-e-'rāzī'

ham se rūThī har ḳhushī hai aaj kal
kashmakash meñ zindagī hai aaj kal