Tags-Kashmakash

is kashmakash meñ terī galī se pare rahe
aa.e kahāñ pe harf kahāñ par na aa.e harf

fanā ke naam pe labbaik kah chuke varna
vajūd-e-kashmakash-e-zāt aur baaqī hai

jhijak rahā huuñ use āshkār karte hue
jo kashmakash thī tirā intizār karte hue

dimāġh-o-dil kī saarī kashmakash bekār-o-lā-hāsil
nashe kī tarah us kī yaad sab par chhā.ī jaatī hai

kashmakash raat bhar rahī 'sāġhar'
kaun kis ko halāl kartā hai

saarā mai-ḳhāna kashmakash meñ hai
tarz-e-'maikash' meñ dilkashī na rahī

na vo āh-e-ġham na vo chashm-e-nam na vo laġhzisheñ haiñ qadam qadam
na vo kashmakash hai javāb meñ na vo valvale haiñ savāl meñ

ai intihā-e-kashmakash-e-shaiḳh-o-barhman
hindū hai zindagī na musalmāñ hai zindagī

har dam kī kashmakash se nikal rāsta badal
ab aur un ke saath na chal rāsta badal

abhī to kashmakash-e-dār-o-gīr baaqī hai
abhī hayāt kā māhaul sāzgār nahīñ

mohammad bhī tirā jibrīl bhī qur.ān bhī terā
magar ye harf-e-shīrīñ tarjumāñ terā hai yā merā

koī to kashmakash hai dil meñ shāyad hashr hai barpā
dulhan ko varna haañ karne meñ kitnī der lagtī hai

sard anā kī kashmakash shām-e-firāq ban ga.ī
vo hai agar ba-zid to kyā 'rāz' ko bhī aTal kahūñ

hālāñki pahle saa.e se rahtī thī kashmakash
ab apne bojh se hī dabā jā rahā huuñ maiñ

maiñ qafas meñ bhī kisī roz na ḳhāmosh rahā
kashmakash meñ bhī tabī.at kā vahī josh rahā

kashmakash meñ yuuñ mubtalā huuñ maiñ
rū-ba-rū tum ho aa.ina huuñ maiñ

vo kashmakash-e-ġham hai ki maiñ kah nahīñ saktā
āġhāz kā afsos aur anjām kā Dar bhī

allāh-rī be-tābī-e-dil vasl kī shab ko
kuchh kashmakash-e-shauq bhī kuchh sub.h kā Dar bhī

mirī zindagī hai 'shevan' kuchh ajiib kashmakash meñ
vo asar ko chāhte haiñ maiñ asar kahāñ se lā.ūñ

us chāra-gar ko zaḳhm dikhā.ūñ yā chup rahūñ
is kashmakash meñ aaj bhī uljhī huī huuñ maiñ