English
Favourite
Favourite
UrduShayarUrduShayar
Expand menu
Sign inAccount

Tags-Kashti

maiñ ne bhī dekhā hai terī rahmat ko
tūfānoñ se bach ke kashtī niklī hai
Ghazal
 qismat apni aisi kachchi nikli hai
jab liyā nām-e-ḳhudā kashtī kināre lag ga.ī
jaane kis kis bul-havas ko nāḳhudā samjhā thā maiñ
Ghazal
 tujhko aghraaz-e-jahan se mawara samjha tha main
sunā ye thā bahut āsūda haiñ sāhil ke bāshinde
magar TuuTī huī kashtī meñ dariyā paar honā thā
Sher
 suna ye tha bahut aasuda hain sahil ke bashinde
na raas aa.egī jab ham ko mauj-e-sail-e-ravāñ
hamārī kashtī pe jab bādbān TūTegā
Ghazal
 agar hai ret ki diwar dhyan TuTega
dekhā ḳhudā pe chhoḌ ke kashtī ko nāḳhudā
jaise ḳhud aa gayā koī sāhil liye hue
Ghazal
 donon hain un ke hijr ka hasil liye hue
kabhī to aa.egā sāhil tirī rifāqat kā
abhī maiñ baiThā huuñ kashtī meñ bad-gumānī kī
Ghazal
 tanaben kaTne lagin meri KHush-bayani ki
mauj-e-dariyā se balā kī chāhiye kashtī mujhe
ho jo bilkul nā-muvāfiq vo havā paidā karūñ
Sher
 mauj-e-dariya se bala ki chahiye kashti mujhe
aanā hai gar to aao ki chalne lagī havā
kashtī samundaroñ meñ khulā bādbāñ huī
Ghazal
 baadal baras ke khul gaya rut mehrban hui
ishāre ishq kī maujoñ ke pā kar
badan-kashtī Dubo baiThā hai pāgal
Ghazal
 tere kuche mein jo baiTha hai pagal
sūrmā jis ke kināroñ se palaT aate haiñ
maiñ ne kashtī ko utārā hai usī paanī meñ
Ghazal
 subh ke shor mein namon ki farawani mein
mañjdhār meñ hogī koī kashtī
sāhil pe jamāv dekhtā huuñ
Ghazal
 dariya ka chaDhaw dekhta hun
kab tak gardish meñ rahnā hai kuchh to batā ayyām mujhe
kashtī ko sāhil mil jaatā aur thoḌā ārām mujhe
Ghazal
 kab tak gardish mein rahna hai kuchh to bata ayyam mujhe
aaj to ek hī kashtī meñ haiñ mañjdhār meñ ham
phir ye majbūri-e-hālāt kabhī ho ki na ho
Ghazal
 jaane phir tum se mulaqat kabhi ho ki na ho
apnī kashtī ko bhī mil jaatā kināra shāyad
tund thī mauj muḳhālif thī havā kyā karte
Ghazal
 sharh-e-jaan-sozi-e-gham-e-arz-e-wafa kya karte
mallāh kah rahā hai ki sāhil hai bas qarīb
lekin mujhe pata hai ki kashtī bhañvar meñ hai
Ghazal
 ek justuju sada hi se zehn-e-bashar mein hai
dekh kar un ko laraz jaatī hai har mauj-e-balā
apnī kashtī meñ jo girdāb liye phirte haiñ
Ghazal
 ye jo hum atlas o kim-KHwab liye phirte hain
maiñ thā be-fikr baiTh kashtī meñ
kashtī ne hī Dubo diyā mujh ko
Ghazal
 aasman par biTha diya mujhko
dil kī kashtī ek taraf hai lākhoñ duā.eñ ek taraf
sūkhā to kyā ġham kā dariyā chullū bhar ho jā.egā
Ghazal
 shahr-e-ghazal mein dhul uDegi fan banjar ho jaega
Dūbte lamhoñ kī kashtī par savār
kārvān-e-intizār āñkhoñ meñ hai
Ghazal
 wo ba-rang-e-etibar aankhon mein hai
'shamīm' sāhil o kashtī se kuchh umiid na rakh
koī vaqār nahīñ is tarah se jiine meñ
Ghazal
 na puchh kab se ye dam ghuT raha hai sine mein
Top Urdushayar.com