Collections

Lab Shayari

Motivational Ghazals

Best Khamoshi Shayari

More Collections

Tags-Kashti

chalī jo sail-e-ravāñ par vo kāġhzī kashtī
to is safar ko mohabbat ke naam maiñ ne kiyā

hisab-e-tark-talluq tamam maine kiya

bahr-e-ulfat meñ safīne to bahut haiñ ai 'mauj'
merī hī kashtī ko ghere hue tūfāñ kyuuñ haiñ

haal-e-dil sun ke mera sar-ba-gareban kyun hain

zyāda duur sāhil to nahīñ kuchh bahr-e-hastī kā
magar kashtī kidhar jaa.e ki tuġhyānī nahīñ jaatī

junun-e-ishq ki ye fitna-samani nahin jati

ḳhud hī tūfān uThānā thā mohabbat meñ agar
Dūbne se mirī kashtī ko bachāyā kyuuñ thā

bhul jaana tha to phir apna banaya kyun tha

is dariyā kī tah meñ 'ādil' ek purānī kashtī hai
ik girdāb musalsal us kā bojh baḌhātā rahtā hai

wo buDha ek KHwab hai aur ek KHwab mein aata rahta hai

jagmagātī huī maujoñ kā to kyā zikr koī
kashtī aate hue dekhī to bhañvar tak Thahre

sham-e-furqat ke sitare to asar tak Thahre

safar tamām huā itnī ḳhush-ḳhirāmī se
tanāv bhī nahīñ kashtī ke bādbāñ meñ milā

koi bhi shaKHs na hangama-e-makan mein mila

sakūñ se jā lagegī dil kī kashtī apne sāhil se
ki is barsāt meñ dariyā ko tūfānī nahīñ honā

nasib-e-chashm mein likkha hai gar pani nahin hona

ham sāhil-e-najāt pe kashtī jalā chuke
ab rahnumā koī na safīna hī aur hai

jo ho wara-e-zat wo jina hi aur hai

ik kashtī meñ ek qadam hī rakhte haiñ
kuchh logoñ kī aisī aadat hotī hai

gham hote hain jahan zehanat hoti hai

Duub saktī hai ye kashtī tirī sargoshī se
ai mire ḳhvāb mire hāmī-o-nāsir ḳhāmosh

dil mein rahta hai koi dil hi ki KHatir KHamosh

ye merī kāġhzī kashtī hai aur ye maiñ huuñ
ḳhabar nahīñ ki samundar kā faisla kyā hai

ye meri kaghzi kashti hai aur ye main hun

āsāñ nahīñ dariyā-e-mohabbat se guzarnā
yaañ nuuh kī kashtī ko bhī tūfān kā Dar hai

is ishq o junun mein na gareban ka Dar hai

māñjhī gaa.e gaatā jaa.e haiyyā haiyyā
lo kashtī ne chhuā kinārā dhīre dhīre

sham

dariyā ke vo paar hue haiñ chāhat se jo duur rahe
pyaar kī kashtī khene vaale sab bechāre Duub ga.e

aankh ke sahil par aate hi ashk hamare Dub gae

tajdīd-e-ta.alluq kī ab ummīd hai jaise
Duubī huī kashtī ke ubharne kī tamannā

jine ki tamanna hai na marne ki tamanna

samajh rahā thā jise maiñ bhī nuuh kī kashtī
usī kā nāḳhudā logoñ ko ab Dubo rahā thā

tamam shahr to be-mehr nind so raha tha

maan luuñ kaise yahāñ dariyā nahīñ thā logo
dekh lo ret pe ik kashtī paḌī hai ab bhī

lakh samjhaya magar zid pe aDi hai ab bhi

ye alag baat ki maiñ nuuh nahīñ thā lekin
maiñ ne kashtī ko ġhalat samt meñ bahne na diyā

main samundar tha mujhe chain se rahne na diya

ik samundar be-hisī kā ek kashtī aarzū kī
haa.e kitnī muḳhtasar logoñ kī rūdād-e-safar hai

hijr ka qissa bahut lamba nahin bas raat bhar hai