Tags-Khafa

muqaddar ko badal deñ vo zamāne ko ḳhafā kar deñ
magar apne tasavvur ko mirā ġham-ḳhvār rahne deñ

sab khulā bāġh-e-jahāñ illā ye hairān-o-ḳhafā
jis ko dil samjhe the ham so ġhuncha thā tasvīr kā

jab kaho kyuuñ ho ḳhafā kyā baa.is
kahte haiñ pūchhne kā kyā baa.is

vo ḳhayāl khol ke dekhnā vo savāl taul ke dekhnā
ki samajh rahe ho jise ḳhafā vo ḳhafā na ho kahīñ yuuñ na ho

us kī bātoñ pe ḳhafā mat honā
'farhat' ehsās to saudā.ī hai

aa.e haiñ 'mīr' muñh ko banā.e ḳhafā se aaj
shāyad bigaḌ ga.ī hai kuchh us bevafā se aaj

rahbaroñ se shikva hai
shauq se ḳhafā hote

ḳhafā ho gāliyāñ do chāho aane do na aane do
maiñ bose lūñgā sote meñ mujhe lapkā hai chorī kā

dekheñ hai kaun kaun zarūrat nahīñ rahī
kū-e-sitam meñ sab ko ḳhafā kar chuke haiñ ham

zindagī se ek din mausam ḳhafā ho jā.eñge
rañg-e-gul aur bū-e-gul donoñ havā ho jā.eñge

ek hī fan to ham ne sīkhā hai
jis se miliye use ḳhafā kiije

jo mehrbāñ hai to kyā mehrbāñ ḳhafā to ḳhafā
kabhī kabhī to vo bilkul ḳhudā dikhā.ī de

pas-e-vasl ham jo sarak ga.e to vo khilkhilā ke phaḌak ga.e
kahā shoḳhiyoñ ne chalo haTo ki huzūr tum se ḳhafā hue

abhī haiñ zamāne se be-ḳhabar rakhā haath rakkhe ye laash par
uTho bas uTho kahā maan lo mirī kyā ḳhatā jo ḳhafā hue

hue vaqt-e-āḳhirī mehrbāñ dam-e-avvalīñ jo ḳhafā hue
vo abad meñ aa ke gale mile jo azal meñ ham se judā hue

haa.e majbūriyāñ mohabbat kī
maiñ ḳhafā ho ke bhī ḳhafā na huā

apne dushman se maiñ be-vaj.h ḳhafā thā 'mohsin'
mere qātil to mire apne havārī nikle

ik zarā sī baat hī kar luuñ to kyā ho jā.egā
bas yahī nā aap sā rahbar ḳhafā ho jā.egā

pyāre abas hue ho 'jahāñdār' se ḳhafā
be-dil na ho tum aise dilī-ḳhair-ḳhvāh se

havā ḳhafā thī magar itnī sañg-dil bhī na thī
hamīñ ko sham.a jalāne kā hausla na huā