English
Favourite
Favourite
UrduShayarUrduShayar
Expand menu
Sign inAccount

Tags-Khafa

ik ye bhī haqīqat meñ hai shān-e-karam un kī
zāhir meñ vo rahte haiñ jo har vaqt ḳhafā se
Ghazal
 kya kaam unhen pursish-e-arbab-e-wafa se
mujh se bhī ḳhafā ho mirī aahoñ se bhī barham
tum bhī ho ajab chiiz ki laḌte ho havā se
Ghazal
 kya kaam unhen pursish-e-arbab-e-wafa se
nāḳhudā saḳht ḳhafā garche hamīñ par the bahut
ham ne bhī azm ke pahne hue zevar the bahut
Ghazal
 naKHuda saKHt KHafa garche hamin par the bahut
yuuñ milā aaj vo 'rāhat' ham se
ek muddat se ḳhafā ho jaise
Ghazal
 zindagi ek saza ho jaise
haa.e vo qahr-e-sādgī-āmez
kaash ham phir unheñ ḳhafā karte
Ghazal
 umr guzri hai iltija karte
kyā mirī ahmiyat baḌhī hai idhar
shahr meñ kyuuñ haiñ sab ḳhafā mujh se
Ghazal
 jab se wo dur ho gaya mujhse
ḳhafā agarche hamesha hue magar ab ke
vo barhamī hai ki ham se unheñ gile bhī nahīñ
Ghazal
 baja ki aankh mein nindon ke silsile bhi nahin
tum ḳhafā hī rahe 'tasallī' se
aur vo tum pe nit fidā hī rahā
Ghazal
 aalam us but pe mubtala hi raha
tasavvur meñ bal paḌ ga.e abrūoñ par
ye kis bevafā se ḳhafā ho ga.e ham
Ghazal
 tujhe pa ke tujhse juda ho gae hum
nahīñ mujh se jab ta.alluq to ḳhafā ḳhafā se kyuuñ haiñ
nahīñ jab mirī mohabbat to ye kaisī bad-gumānī
Ghazal
 ye inayaten ghazab ki ye bala ki mehrbani
kyuuñ mirī talḳh-navā.ī se ḳhafā hote ho
merī āvāz ko ye zahr diyā hai kis ne
Nazm
 talKH-o-tursh
kyuuñ mirī talḳh-navā.ī se ḳhafā hote ho
zahr hī mujh ko milā zahr piyā hai maiñ ne
Nazm
 talKH-o-tursh
nazar se chhup ga.e dil se judā to honā thā
is ehtimām se tum ko ḳhafā to honā thā
Ghazal
 nazar se chhup gae dil se juda to hona tha
is qadar apne nazar se ho ḳhafā Thiik nahīñ
kyā ḳhatā merī hai bas itnā batā do mujh ko
Ghazal
 apni aankhon mein basa lo ya gira do mujhko
kisī din be-niyāzī us kī mujh ko maar Dālegī
ḳhafā kartā hai vo lekin manānā bhuul jaatā hai
Ghazal
 kisi ki yaad mein shaMein jalana bhul jata hai
ik zarā sī baat pe ye muñh banānā rūThnā
is tarah to koī apnoñ se ḳhafā hotā nahīñ
Sher
 ek zara si baat pe ye munh banana ruThna
kitnā pyārā hai vo 'nūrī' mirā vaqtī dushman
merī be-rāh-ravī par jo ḳhafā hotā hai
Ghazal
 har taraf tazkira-e-jurm-o-saza hota hai
ḳhafā bhī haiñ irāda bhī hai shāyad baat karne kā
vo chal nikle haiñ mujh ko dekh kar āhista āhista
Ghazal
 haTi zulf un ke chehre se magar aahista aahista
tark kī saaf us ne goyā.ī
nargis-e-surma-sā ḳhafā kab tak
Ghazal
 ai sitam-azma jafa kab tak
hairāñ huuñ maiñ batā to huā jis pe tū ḳhafā
kyā aisā mere muñh se mirī jaañ nikal gayā
Ghazal
 sine se tir-e-yar ka paikan nikal gaya
Top Urdushayar.com