Tags-Khat

haa.e kaisī kashmakash hai yaas bhī hai aas bhī
dam nikal jaane ko hai ḳhat kā javāb aane ko hai

ruuh ghabrā.ī huī phirtī hai merī laash par
kyā janāze par mere ḳhat kā javāb aane ko hai

nā-umīdī maut se kahtī hai apnā kaam kar
aas kahtī hai Thahar ḳhat kā javāb aane ko hai

maiñ apne naqsh banātī thī jis meñ bachpan se
vo ā.īna to kisī aur ḳhat-o-ḳhāl kā thā

magar likhvā.e koī us ko ḳhat to ham se likhvā.e
huī sub.h aur ghar se kaan par rakh kar qalam nikle

ḳhat baḌhā kākul baḌhe zulfeñ baḌhīñ gesū baḌhe
husn kī sarkār meñ jitne baḌhe hindū baḌhe

agar likhvāoge ḳhat us ko tum mere qalam se
ye ḳhidmat muft meñ ai mehrbāñ kartā rahūñgā

ḳhayāl ḳhvāb fasāne kahāniyāñ thiiñ magar
vo ḳhat tujhe bhī likhā hī nahīñ hai tere ba.ad

vo taḌap jaa.e ishāra koī aisā denā
us ko ḳhat likhnā to merā bhī havāla denā

rañg kyā ajab diyā merī bevafā.ī ko
us ne yuuñ kiyā ki mere ḳhat jalā.e uud meñ

hijrat kī ghaḌī ham ne tire ḳhat ke alāva
bosīda kitāboñ ko bhī sāmān meñ rakkhā

tavaqqo.a hai dhoke meñ aa kar vo paḌh leñ
ki likkhā hai naamā unheñ ḳhat badal kar

mire nāma-bar ne jo ḳhat diyā mujhe lā ke jān-e-bahār kā
huī zehn-o-dil kī vo kaifiyat na paḌhā gayā na sunā gayā

ek ḳhat thā subūt chāhat kā
vo bhī us ne jalā diyā hogā

is tarah dil ke armān puure hue
nāma-bar le ke ḳhat kā javāb aa gayā

le to jā.egā ḳhat-e-shauq magar rashk ye hai
āshiyāñ baam par us ke na kabūtar bāñdhe

ḳhat-e-to.am kī tarah āshiq o māshūq haiñ ek
donoñ bekār haiñ jis vaqt judā.ī ho jaa.e

ḳhat ġhair kā paḌhte the jo Tokā to vo bole
aḳhbār kā parcha hai ḳhabar dekh rahe haiñ

zehn meñ jab bhī tire ḳhat kī ibārat chamkī
ek ḳhushbū sī nikalne lagī almārī se

kaun kahtā hai ki sabza aag par ugtā nahīñ
ḳhat hai paidā yaar ke dekho ruḳh-e-gulnār par