Tags-Khat

ḳhat ke āḳhir meñ sabhī yuuñ hī raqam karte haiñ
us ne rasman hī likhā hogā tumhārā apnā

kyūñkar in kaalī balāoñ se bachegā āshiq
ḳhat siyah ḳhaal siyah zulf siyah chashm siyāh

uThā liyā thā jinheñ ġham ne shahr-e-mātam se
vo harf likkhe ga.e haiñ ḳhat-e-shakebā meñ

ḳhat ke āġhāz meñ to mujh se huā saaf tū kab
lutf tab thā ki safā.ī meñ safā.ī hotī

rū-ba-rū un ke baat kar na sakā
ḳhat meñ āḳhir ko likh diyā matlab

ḳhatt-e-qismat paḌhā nahīñ jaatā
sirf mantiq tamām karte haiñ

kisī ke ḳhat meñ kaheñ zikr tak na thā us kā
vo ik payām-e-ḳhusūsī jo dil ke naam aayā

ḳhat se ḳhushbū uḌ jaatī hai
kāġhaz saare rah jaate haiñ

jī sulagne kā dhuāñ ḳhat meñ na thā
raushnī harf-e-zabānī meñ na thī

til hai tiryāk chashm jām-e-sharāb
sabza-e-ḳhat yū bañg hai yaaro

merī ummīd meñ hai yaas kī sūrat muzmar
merī hastī hai fanā misl-e-ḳhat-e-āb mujhe

kyā shauq kā aalam thā ki hāthoñ se uḌā ḳhat
dil thaam ke us shoḳh ko likhne jo lagā ḳhat

dast-e-gul-rū meñ pahuñchne 'dā.ūd'
kāġhaz-e-ḳhat mirā hinā.ī hai

sat.h-e-ehsās pe Thahrā nahīñ sakte jis ko
ek ik ḳhat meñ tavāzun hai kuchh aisā us kā

mire naame tahī-mazmūn sahī phir bhī tirī lauh-e-muqaffal kī amānat haiñ
kabhī to aa.egī shakl-e-hurūf-e-nā-farastāda ḳhat-e-tāvīl kī zad meñ

chup hai andāz-e-nigārish to koī baat nahīñ
bol uTheñ lafz-o-ma.ānī to mujhe ḳhat likhnā

chehra paḌh letā huuñ maiñ aate hue mausam kā
koī rut aa.e suhānī to mujhe ḳhat likhnā

phuul ke zaḳhmoñ kī tasvīr tumheñ bhejūñgā
kabhī mausam jo ho dhānī to mujhe ḳhat likhnā

kuchh na kah saknā zabānī to mujhe ḳhat likhnā
jab ho ashkoñ meñ ravānī to mujhe ḳhat likhnā

kabhī va.ade kā hasīñ phuul diyā thā tum ne
yaad aa.e vo nishānī to mujhe ḳhat likhnā