Tags-Khat

sabza-e-ḳhat se tirā kākul-e-sarkash na dabā
ye zamurrad bhī harīf-e-dam-e-af.ī na huā

ka.ī dinoñ se baat nahīñ kī apnoñ se
aaj zarūrī ḳhat apne ghar likhnā hai

tum to ḳhat meñ likh detī ho ghar meñ jī ghabrātā hai
tum kyā jaano kyā hotā hai haal hamārā sarhad par

likh rahī hai ḳhushbuoñ ko ḳhat kamal kī pañkhuḌī
khil uThā hai jhiil kā man āñdhiyoñ āñdhiyoñ dhīre chalo

lifāfe meñ purze mire ḳhat ke haiñ
mire ḳhat kā āḳhir javāb aa gayā

'ājiz' huuñ ḳhat likhūñ to unheñ kis tarah likhūñ
kāġhaz nahīñ qalam nahīñ dāvāt bhī nahīñ

jis ḳhat pe ye lagā.ī usī kā milā javāb
ik mohr mere paas hai dushman ke naam kī

ai qāsid-e-ashk o paik-e-sabā us tak na payām-o-ḳhat pahuñchā
tum kyā karo haañ qismat kā likhā ye bhī na huā vo bhī na huā

tirā ḳhat aane se dil ko mere ārām kyā hogā
ḳhudā jaane ki is āġhāz kā anjām kyā hogā

ḳhat koī pyaar bharā likh denā
mashvara likhnā duā likh denā

tere rūmāl tire ḳhat tire chhalle bhī ga.e
terī tasvīreñ tire shoḳh lifāfe bhī ga.e

tere ḳhushbū meñ base ḳhat maiñ jalātā kaise
pyaar meñ Duube hue ḳhat maiñ jalātā kaise

chāhtā huuñ maiñ tashaddud chhoḌnā
ḳhat hī likhte haiñ javābī log sab

har ek ḳhat meñ nagīne jaḌe haiñ maiñ ne 'ḳhayāl'
bahut se lafz mirī chashm-e-tar se aa.e haiñ

ise kahiye shahādat-nāma-e-ishq
use likkhā hai ḳhat apne lahū se

merī arz-e-shauq paḌh leñ ye kahāñ unheñ gavārā
vahīñ chaak kar diyā ḳhat jahāñ merā naam dekhā

aariz se tire bahār maqsūd
hai ḳhat se ba-naqsha-zār maqsūd

tumhārā ḳhat havā meñ uḌ rahā hai
ta.āqub meñ lifāfe uḌ rahe haiñ

pahle rakh le tū apne dil par haath
phir mire ḳhat ko paḌh likhā kyā hai