Tags-Khat

ilāhī mujh par karam ho terā na khol a.amāl-nāma merā
pukārtā hai ye ḳhatt-e-qismat ki maiñ bhī fard-e-hisāb meñ huuñ

mahtāb-rū ke ruḳh pe siyah ḳhat nahīñ 'sirāj'
jā kar khalā huā hai mire duud aah kā

qarār-e-jāñ hai tumhārā va.ada ki ghar pahuñch kar maiñ bhej dūñgī
maiñ muntazir hoñ tumhāre ḳhat kā shikāyatoñ kā javāb likhnā

likhā maiñ ne ye us yūsuf ko kal ḳhat
aziiā dilbarā nāzuk-mizājā

maiñ ne itnā hī kahā banvāo ḳhat
ye bigaḌne kī bhalā kyā baat hai

mujh ko ta.ana bevafā.ī kā na deñ
āḳhirī ḳhat aap kā maujūd hai

paḌh na ai ham-nashīñ visāl kā sher
jis se rañgīñ ho ḳhatt-o-ḳhāl kā sher

chāhne vaale hazāroñ na.e maujūd hue
ḳhat ne us gul ke kiyā aur hī aalam paidā

kabhī likhvāne ga.e ḳhat kabhī paḌhvāne ga.e
ham hasīnoñ se isī hiile bahāne se mile

ḳhat aisā likhā hai ki nagīne se jaḌe haiñ
vo haath ki jis ne koī zevar nahīñ dekhā

kaise māneñ ki unheñ bhuul gayā tū ai 'kaif'
un ke ḳhat aaj hameñ tere sirhāne se mile

taaki ik ik lafz mire lahje meñ tujh se baat kare
ḳhat ke har har lafz ko ḳhat par ḳhuub paḌhā ke rakhtā huuñ

ḳhat jo tere naam likhā, takiye ke nīche rakhtā huuñ
jaane kis ummīd pe ye ta.avīz dabā ke rakhtā huuñ

nahīñ miTtīñ tirī yādeñ nadī meñ ḳhat bahāne se
ye akasr lauT aatī haiñ kisī dilkash bahāne se

muḳhtasar sā likh diyā 'asrār' ne un ko javāb
ḳhat milā par aap kā ehsān aadhā rah gayā

mauj se besh nahīñ hastī-e-vahmī kī numūd
safha-e-dahr pe goyā ye ḳhat-e-bātil hai

daana dikhā ke daam meñ anqā ko lā.ūñgā
mazmūn likh rahā huuñ tire ḳhat-o-ḳhāl kā

qibla-rū rahm kiyā mujh pe ḳhat-āġhāzī meñ
kāfir-e-hind musalmāñ na huā thā so huā

aḳhlāq se jahl ilm-o-fan se ġhāfil
mazmūñ jo dekheñ to misl-e-ḳhat bātil