Collections

Lab Shayari

Motivational Ghazals

Best Khamoshi Shayari

More Collections

Tags-Khizan

ḳhayāl-e-āriz-e-rañgīñ ne roz aa aa kar
ḳhizāñ meñ bhī hameñ mahv-e-bahār hī rakkhā

kiye qarar magar be-qarar hi rakkha

go bahār ab hai vale roz-e-ḳhizāñ ai bulbul
yak-qalam nargis o gul jāveñge bustāñ se nikal

qasr-e-rangin se guzar bagh-o-gulistan se nikal

husn-e-bahār mujh ko mukammal nahīñ lagā
maiñ ne tarāsh lī hai ḳhizāñ apne haath se

husn-e-bahaar mujhko mukammal nahin laga

lahū ke phuul ḳhizāñ āshnā nahīñ 'tanvīr'
ki dasht dasht shafaq ke gulāb baaqī haiñ

abhi to aankhon mein na-dida KHwab baqi hain

mausam-e-gul meñ ḳhizāñ sāya-fagan hai kis liye
darpai āzār kyā bād-e-sabā hone ko hai

ek qayamat waqt se pahle bapa hone ko hai

ḳhizāñ meñ hijr kī Duubā visāl kā mausam
magar hai zehn meñ ḳhushbū sī raat raanī kī

tanaben kaTne lagin meri KHush-bayani ki

siine meñ ḳhizāñ āñkhoñ meñ barsāt rahī hai
is ishq meñ har fasl kī sauġhāt rahī hai

sine mein KHizan aankhon mein barsat rahi hai

merā apne aap se bāhar bikhar jaanā tamām
aur ḳhizāñ-dīda parindoñ kā mirā ghar dekhnā

apni aankhon ke hisaron se nikal kar dekhna

shor-e-ḳhizāñ hai ghar meñ dīvār-o-bām-o-dar meñ
dar par savārī kal aa kar Thahar ga.ī hai

ye umr-e-sad-bala jo apne hi sar gai hai

ik na.e rañg se taz.īn-e-gulistāñ kar leñ
laakh ho daur-e-ḳhizāñ jashn-e-bahārāñ kar leñ

KHun-e-dil se rah-e-hasti ko farozan kar len

ik gul aisā nahīñ hove na ḳhizāñ jis kī bahār
kaun se vaqt huā thā ye gulistāñ paidā

wahshat-e-dil ne kiya hai wo bayaban paida

gumāñ bahār kā hotā hai ab ḳhizāñ pe 'razī'
churā liye haiñ ḳhizāñ ne shajar ke kyā kyā rañg

hina ke qaus-e-quzah ke shajar ke kya kya rang

havā-e-ḳhauf-e-ḳhizāñ meñ laraztā rahtā huuñ
kisī bhī vādi-e-shādāb se guzarte hue

pata chala koi girdab se guzarte hue

ummīd-e-sub.h-e-bahārāñ ḳhizāñ se khīñchte haiñ
ye tiir roz dil-e-nā-tavāñ se khīñchte haiñ

ummid-e-subh-e-bahaaran KHizan se khinchte hain

bhale hī chhāñv na de aasrā to detā hai
ye aarzū kā shajar hai ḳhizāñ-rasīda sahī

jahan KHarab sahi hum badan-darida sahi

hañsā jo phuul to shabnam kī aañkh bhar aa.ī
bahār samjhā jise daur vo ḳhizāñ kā thā

wo jis ke dil mein nihan dard do-jahan ka tha

fasl-e-gul jaane ko hai daur-e-ḳhizāñ aane ko hai
ye chaman ye bulbuleñ ye naġhma-ḳhvānī phir kahāñ

la pila saqi sharab-e-arghawani phir kahan

ham ḳhizāñ kī agar ḳhabar rakhte
āshiyāne meñ phuul bhar rakhte

hum KHizan ki agar KHabar rakhte

chaman itnā ḳhizāñ-āsār pahle kab huā thā
balā kā qaht-e-barg-o-bār pahle kab huā thā

chaman itna KHizan-asar pahle kab hua tha

dil se andesha-e-ḳhizāñ na gayā
go bahāroñ ke darmiyāñ guzrī

jo ba-in gham bhi shadman guzri