Collections

Lab Shayari

Motivational Ghazals

Best Khamoshi Shayari

More Collections

Tags-Khizan

ho intizār-e-bahārāñ jahāñ na rañj-e-ḳhizāñ
'kamāl' aisā bayābāñ makān rakhnā hai

ghazal mein husn ka uske bayan rakhna hai

na barg-o-bār na shādābiyāñ na ġhuncha-o-gul
yahī bahār agar hai to hai ḳhizāñ kī tarah

nazar ne kaam kiya dil ke tarjuman ki tarah

mauj-e-nashīm-e-sub.h na josh-e-numū se thā
jo phuul sruḳh-rū thā ḳhizāñ ke lahū se thā

mauj-e-nashim-e-subh na josh-e-numu se tha

kuchh is ravish se chale bād-e-barg-e-rez-e-ḳhizāñ
ki duur tak saf-e-ashjār be-samar ho jaa.e

siyah hai dil-e-giti siyah-tar ho jae

kaisī ye ḳhizāñ chhā.ī hai mujh meñ ki sarāsar
mausam hai vahī phūlne phalne kī tarah kā

girne ki tarah ka na sambhalne ki tarah ka

ḳhizāñ kā maqtal-e-hasrat bhī dīdanī hai 'shamīm'
paḌe haiñ phuul shahīdān-e-surḳh-rū kī tarah

nigar-e-mah-wash o mahbub-e-lala-ru ki tarah

zindagī par bahār hai mujh se
zindagī kī ḳhizāñ nahīñ huuñ maiñ

tujhse daman-kashan nahin hun main

ḳhizāñ ke ba.ad is ummīd par gulshan nahīñ chhoḌā
ye mumkin hai ki chal jaa.e havā-e-ḳhush-gavār ab bhī

kisi ke wada-e-farda mein gum hai intizar ab bhi

ḳhizāñ kā jo gulshan se paḌ jaa.e paalā
to sehn-e-chaman meñ na gul ho na laala

KHizan ka jo gulshan se paD jae pala

baaġh saarā to bayābāñ na huā thā so huā
jo ḳhizāñ kā kabhī ehsāñ na huā thā so huā

bagh sara to bayaban na hua tha so hua

gul-gūñ tirī galī rahe āshiq ke ḳhuun se
yārab na ho ḳhizāñ se ye terā chaman ḳharāb

gul-gun teri gali rahe aashiq ke KHun se

nā-umīdī meñ jalva-e-dīdār
hai ḳhizāñ meñ bahār kī sūrat

jab sin dekha hun yar ki surat

ai ḳhizāñ kuchh der ko ye fasl-e-gul jiine to de
āj-kal masrūf maiñ bhī chāk-dāmānī meñ huuñ

kaun si duniya mein hun kis ki nigahbani mein hun

aao ġhubār-e-rāh meñ DhūñDeñ shamīm-e-nāz
aao ḳhabar bahār kī pūchheñ ḳhizāñ se ham

jaane kahan the aur chale the kahan se hum

jānte sab haiñ ki is ke baad hai daur-e-ḳhizāñ
kyuuñ na dāmān-e-bahār-e-zindagī ko chhoḌ de

rabta rakh tirgi se raushni ko chhoD de

ḳhizāñ se haar na jaanā kisī bhī hālat meñ
numū mile na mile ḳhvāhish-e-numū rakhnā

kaha tha usne mohabbat ki aabru rakhna

ḳhāmoshī-e-ḳhizāñ thī chaman-dar-chaman tamām
shāḳh-o-shajar meñ shor-e-bahār intizār thā

aisa wo be-shumar-o-qatar intizar tha

mirī fasurda-dilī ne na.e khilā.e haiñ gul
nahīñ ki mausam-e-gul mausam-e-ḳhizāñ meñ nahīñ

tere siwa meri hasti koi jahan mein nahin

gul-hā-e-nau-bahār haiñ āñgan meñ zard zard
peḌoñ pe khil rahī hai ḳhizāñ ghar udaas hai

aankhen hain ashk dil hai dhuan ghar udas hai

dekh phūloñ se lade dhuup nahā.e hue peḌ
hañs ke kahte haiñ guzārī hai ḳhizāñ bhī ham ne

dekh phulon se lade dhup nahae hue peD