Tags-Khizan

kisī kā jism shikār-e-nahañg-e-vaqt-e-ḳhizāñ
kisī kī saañs fazā-e-girāñ meñ baiTh ga.ī

kisī kī luuT ke rāhat ḳhushī nahīñ miltī
ḳhizāñ ke haath meñ sarmāya-e-bahār nahīñ

hai ḳhizāñ kī zad pe abhī talak ruḳh-e-'sumbul' dil-e-yāsmīñ
abhī intizār kā vaqt hai abhī jashn-e-gul na manā.iye

ra.anā.ī-e-bahār pe the sab farefta
afsos koī mahram-e-rāz-e-ḳhizāñ na thā

parindoñ kā shajar ko chhoḌ kar jaanā zarūrī thā
ki taa.ir ko ḳhizāñ kā ḳhauf bhī khānā zarūrī thā

be-samar peḌoñ ko chūmeñge sabā ke sabz lab
dekh lenā ye ḳhizāñ be-dast-o-pā rah jā.egī

ġhaur se dekh koī hai pas-e-tasvīr-e-ḳhizāñ
varna kis samt ga.e rañg jamāne vaale

ḳhizāñ ke giit to ham log kab se gaate aa.e haiñ
fanā kā ḳhauf phir kis kī jahāñ-dārī se qaa.em hai

tū mirī shā.erī meñ hai rañg-e-tarāz o gul-fishāñ
terī bahār be-ḳhizāñ shām-ba-ḳhair shab-ba-ḳhair

mohabbat karne vāloñ ke bahār-afroz sīnoñ meñ
rahā kartī hai shādābī ḳhizāñ ke bhī mahīnoñ meñ

'alī' o 'tālib' o 'shaidā' o 'tābāñ' 'sāqī' o 'mā.il'
huā tārāj gulshan jab ḳhizāñ aa.ī bahāroñ meñ

kuchh maut kā na ġham hai na kuchh rāhat-e-hayāt
kūche meñ us ke mujh ko bahār-o-ḳhizāñ hai hech

ḳhizāñ tujh par ye kaisā barg-o-bār aane lagā hai
mujhe ab mausamoñ par e'tibār aane lagā hai

ye ḳhizāñ kī zard sī shaal meñ jo udaas peḌ ke paas hai
ye tumhāre ghar kī bahār hai use āñsuoñ se harā karo

bahār ke taḳht-o-tāj par bhī guloñ ko rote hī ham ne dekhā
ki gaaḌ kar ḳhār-o-ḳhas kā jhanDā chaman meñ ik din ḳhizāñ rahegī

pas-e-tark-e-ishq bhī umr-bhar taraf-e-mizha pe tarī rahī
mirī kisht-e-jāñ bhī ajiib hai ki ḳhizāñ ke saath harī rahī