Tags-Khoon

urdu ko ḳhud ḳhuun bahā kar joḌ rahe haiñ rishte log
'ġhālib'-o-'momin' 'munshī'-o-'mullā' 'chakbast'-o-'sīmāb' ke saath

rañgoñ se na rakhiye kisī sūrat kī tavaqqo
vo ḳhuun kā qatra hai jo shahkār banegā

ye ThiThurtī dhuup hai is dhuup meñ
kaise apnā ḳhuun garmā.egā tū

ḳhuun ro detā agar tujh pe ayaañ ho jaatā
tū ne samjhā hī kyā jo kuchh mirī tahrīr meñ hai

ḳhūn-e-dil sarf kar rahā huuñ 'ravish'
ḳhuub se naqsh-e-ḳhūb-tar ke liye

salām us par agar aisā koī fankār ho jaa.e
siyāhī ḳhuun ban jaa.e qalam talvār ho jaa.e

jo daaġh ban ke tamannā tamām ho jaa.e
hameñ to ḳhuun bhī ronā harām ho jaa.e

kal tak apne ḳhuun ke aañsū miTTī meñ mil jaate the
aaj usī miTTī se paidā nazm-e-chaman kī bāteñ haiñ

mahkā hai gul-e-ḳhūn-e-vafā jāniye kyā ho
jaltī hai koī sham-e-hinā jāniye kyā ho

nahā kar ḳhuun meñ kāñToñ pe aksar raqs kartā huuñ
ye mastī be-ḳhudī kī hai ye nashsha zindagī kā hai

ye kis kī sāzish hai
kis kā ḳhuun hai

mire hāthoñ meñ ḳhuun malo to zarā tumhīñ dekho to rañg dikhātā hai kyā
karo aaj numūd-e-shahīd-e-adā tumheñ shoḳhi-e-rañg-e-hinā kī qasam

ḳhaak bhī ḳhuun kī jā niklī na yahāñ ai pyāre
be-sabab haa.e ye fazā duun ne nishtar toḌe

haa.e duniyā ne use ashk kahā
ḳhuun jo zaḳhm-e-nazar se niklā

ḳhuun rulvātī rahī guzre zamānoñ kī shabīh
thak ga.iiñ āñkheñ to ġharq-e-sāt.gīñ kar dī ga.ī

dil ye kyā jaane ki kyā shai hai harārat ḳhuun kī
jism kyā samjhe ki kaisī zindagī kī lahr hai

dil ke shajar ko ḳhuun se gulnār dekh kar
ḳhush huuñ na.ī bahār ke āsār dekh kar

apnā dāman dekh kar ghabrā ga.e
ḳhuun ke chhīñTe kahāñ tak aa ga.e

ḳhūn-e-dil āñkhoñ meñ bhar aatā hai jab aatī hai yaad
vo mai-e-gul-rañg kī bhar bhar ke denī pyāliyāñ

hairat hai ki jo garden-e-qātil pe rahā hai
us ḳhuun se ḳhud haath masīhā ne bhare haiñ