Tags-Khoon

vo jabīn-e-shafaq pe ḳhatt-e-shuā
ḳhuun se kis ke surḳh hai ḳhanjar

jahāñ shab-ḳhūn maarā jā sake ḳhvābīda logoñ par
kisī bedār millat meñ to vo rāteñ nahīñ hotīñ

dāman meñ ravāñ haiñ ashk-e-gulgūñ
mahzar hai ye ḳhūn-e-mudda.ā kā

na ho kahīñ ki do-sad-ḳhūn-e-ḳhufta hoñ bedār
sabā jo jaa.e to āhista kū-e-yār meñ jā

ai 'nūr' vo to hukm-e-sazā de ke chal diyā
lafzoñ kā saarā ḳhuun rahā merī zaat par

jām-e-jam meñ jo sadiyoñ sulagtā rahā
aur kyā thā agar ḳhūn-e-ādam na thā

mirā ḳhūn-e-dil yuuñ bahā dasht meñ
ki jañgal meñ lohū ke thāle paḌe

ye mansūr kā ḳhūn-e-nāhaq ki haq thā
qayāmat ko kis kis se ḳhūñ-dār hogā

ho gayā shāyad ki sarf-e-soz-e-ġham sab ḳhūn-e-dil
āñsuoñ kā ab vo dariyā aañkh se jaarī nahīñ

tez talvār kī dhaar aisī sadā
qatra qatra mire ḳhuun meñ

laayā hai rañg ḳhūn-e-shahīdāñ ba-faiz-e-shauq
nazroñ ke sāmne hai gulistāñ khilā huā

qatra-hā-e-ḳhūn-e-bismil zeb-e-dāmāñ haiñ 'asad'
hai tamāsha kardanī gul-chīnī-e-jallād yaañ

zahrāb o halāhil se jo kuchh kaam na niklā
de kar ke maiñ kī ḳhūn-e-jigar parvarish-e-dil

sūfiyoñ buzurgoñ ne naqsh-e-pā jo chhoḌe the sab miTā diye tū ne
vaqt ke darinde ab kusht-o-ḳhūn kā ik ik rāsta mubārak ho

ḳhuun bahā chukā ab tak to javāñ parindoñ kā chaaT lag chukī tujh ko
ab se shīr-ḳhvāroñ ke taaza ḳhūn-e-arzāñ kā zā.iqa mubārak ho

ro dūñgā to ashk nahīñ āñkhoñ se ret bahegī
ḳhuun kahāñ kuchh sūkhe dariyā haiñ sahrā bhar mujh meñ

niim ke us peḌ se utrā hai jin
phir kisī ke ḳhuun kā pyāsā hai jin

ḳhuuñ javāñ ḳhuun se holī khelo
chand qadmoñ kā safar baaqī hai

vo bolī tere liye ḳhāndān kyuuñ chhoḌūñ
'vaqār' tujh se mirā rishta ḳhuun kā nahīñ hai

mujh ko shikva hai ki dil kā ḳhuun qātil ne kiyā
dil ye kahtā hai mujhe qatre se dariyā kar diyā