Tags-Khuda

vo sanam ka.ī din se hai mujh se ḳhafā nahīñ aatā idhar ko ḳhudā kī qasam
dil-e-mushfiq-e-man use khīñch to lā tujhe jazba-e-kāh-rubā kī qasam

na dikhā.iyo hijr kā dard-o-alam tujhe detā huuñ charḳh-e-ḳhudā kī qasam
mire yaar ko mujh se na kiijo judā tujhe sarvar-e-har-dūsrā kī qasam

kahāñ jaatā hai muñh ko chhupā.e hue tire hijr meñ jaate haiñ ham to mare
kabhī muḌ ke idhar ko bhī dekh to le tujhe hazrat-e-sher-e-ḳhudā kī qasam

mujhe bahr-e-ḳhudā kahīñ us se chhuḌā tire hijr kī shab hai ye kaalī balā
nahīñ jhuuT maiñ kahtā kuchh is meñ zarā mujhe terī hī zulf-e-dotā kī qasam

ḳhudā kare dar-o-dīvār kaan rakhte hoñ
zamāna guzrā hai rūdād-e-ġham sunā.e hue

mirī talāsh tirī dilkashī rahe baaqī
ḳhudā kare ki ye dīvāngī rahe baaqī

ḳhudā pe chhoḌ ke ai 'mauj' kashtī-e-ulfat
sukūn pā ga.e fikr-e-ma.āl se bhī ga.e

jhukā.egī use kyā ḳhaak duniyā
ḳhudā ke sāmne jhuktā jo sar hai

aadmī ban ke bahut maiñ ne tujhe sajde kiye
to ḳhudā ban ke mujhe mil maiñ farishta ho jā.ūñ

ishq ḳhud apnī jagah maz.har-e-anvār-e-ḳhudā
aql is soch meñ gum kis ko ḳhudā kahte haiñ

kaTā thā roz-e-musībat ḳhudā ḳhudā kar ke
ye raat aa.ī ki sar pe mire azaab aayā

chhupī na ḳhalq-e-ḳhudā se haqīqat-e-ḳhat-e-shauq
uḌā jahāñ meñ kabūtar mirā ḳhabar kī tarah

kotāhī-e-nazar se ahāta na ho sakā
milne ko yuuñ milā hai butoñ meñ ḳhudā mujhe

iflās ke shabāb-e-muqaddas meñ bārhā
aayā hai pūchhne mire ghar par ḳhudā mujhe

ye andher khātā ye kufrān-e-ne.amat zamāne ko ai 'nūh' kyā ho gayā hai
ḳhudā ke karam se to beḌā na Duube magar paa.e shohrat tirī nā-ḳhudā.ī

jo bande ḳhudā ke ḳhudā par na rakkheñ to rakkheñ bharosa ḳhudā.ī meñ kis par
banāyā unheñ ahl-e-hājat usī ne karegā vahī un kī hājat-ravā.ī

ye tauqīr-o-tahqīr meñ bahs kaisī ki haiñ donoñ bāteñ ḳhudā kī taraf se
vo raa.ī ko chāhe to parbat banā de vo parbat ko chāhe to ban jaa.e raa.ī

ne aadmī pasand na is ko ḳhudā pasand
hai aa.ine meñ qaid mirā ā.inā-pasand

tum jis zamīn par ho maiñ us kā ḳhudā nahīñ
pas sar-ba-sar aziyyat o āzār hī raho

mire ḳhudā ne kahā hai ki har jagah hai vo
tire ḳhudā to fasānoñ meñ qaid rahte haiñ