Tags-Khuda

ahl-e-mahshar le ga.e qahr-o-ġhazab sab luuT kar
sirf ik rahmat ḳhudā kī rah ga.ī mere liye

saikḌoñ jiine meñ laale lākhoñ raḳhne ziist meñ
kirm-ḳhurda ai ḳhudā ye zindagī mere liye

ātish-e-qahr-e-ḳhudā dam bhar meñ kar detī hai gul
hai mirī tar-dāmanī ai ''ār-pī'' mere liye

phir na shaitāñ sujūd-e-ādam se
shāyad us parde meñ ḳhudā hove

nahīñ huuñ maiñ to tirī bandagī ke kyā ma.anī
nahīñ hai tū to ḳhudā kaun hai zamāne kā

butoñ ke sāmne apnī zabān kiyā khultī
ḳhudā muaaf kare ḳhvāhisheñ hī aisī thiiñ

kisī kī yaad hai un kī mahak se vābasta
mujhe ye phuul ḳhudā ke liye suñghāo nahīñ

vo gorā pinDā aur us meñ surḳhī magar ḳhudā ne le sar se tā-pā
kiyā hai maidā to motiyoñ kā aur us ko gūñdhā shahāb meñ hai

bhale hī hotī hai duniyā tamām hū ho jaa.e
ḳhudā-na-ḳhvāsta mere ḳhilāf tū ho jaa.e

kaañp jaatā huuñ uqūbat se 'ziyā'
ab mujhe ḳhauf-e-ḳhudā ho jaise

Duboyā jis ne kashtī ko use hī nā-ḳhudā samjhe
diye the jis ne saare dukh usī ko chāragar jaanā

ye ek lamha jise ham nayā samajhte haiñ
ḳhudā kare ki na.e mausamoñ ke saath aa.e

kuchh hai jo nahīñ hai bas vo kyā hai ḳhudā jaane
yuuñ apnī samajh se ham sāmān bahut rakkhā

ḳhudā hasrat-zada dil kī tamannāoñ se vāqif hai
duā.eñ roz-o-shab kartī huī saa.il hai tanhā.ī

usī ne to taḳhayyul ko mire parvāz baḳhshī hai
ḳhudā kā shukr hai jo ab kisī qābil hai tanhā.ī

jo bachche bhuul kar rañgīniyoñ meñ ġharq ho jaa.e
ḳhudā shāhid hai mujh ko vo pidar achchhā nahīñ lagtā

mere hone pe hai ehsās-e-ḳhudā kī buniyād
ḳhaak kā honā zarūrī hai shajar-kārī meñ

bharosa rakhoge ḳhudā pe jo apne
to kashtī samundar se bhī paar hogī

ḳhudā ne jaan chhuḌvā.ī 'sharaf' vo ḳhud bigaḌ baiThā
haqīqat meñ ajab ma.ashūq-e-jāhil ham bhī rakhte the

ḳhudā ke sāmne hogī jo pursish ishq-bāzoñ kī
kaheñge ham bhī itnā ishq-e-kāmil ham bhī rakhte the