Tags-Khuda

bajā kahe jise aalam use bajā samjho
zabān-e-ḳhalq ko naqqāra-e-ḳhudā samjho

ḳhudā kī tarah koī aadmī bhī hai shāyad
nazar jo aatā nahīñ ās-pās ho kar bhī

pilā mai āshkārā ham ko kis kī sāqiyā chorī
ḳhudā se jab nahīñ chorī to phir bande se kyā chorī

bahut se vo the jinhoñ ne butoñ se faiz uThā.e
bahut se vo the jinhoñ ne ḳhudā se bāteñ kiiñ

vo ḳhudā jaane ghar meñ haiñ ki nahīñ
kuchh khulā aur kuchh hai band kivāḌ

sukūt siine meñ aisā kab thā gumāñ bhī guzre na dhaḌkanoñ kā
ḳhudā hī jaane ki dil kahāñ hai na koī aahaT na koī halchal

javāz koī agar merī bandagī kā nahīñ
maiñ pūchhtā huuñ tujhe kyā milā ḳhudā ho kar

husn alfāz ke paikar meñ agar aa saktā
kaisā hotā hai ḳhudā tum ko maiñ dikhlā saktā

ḳhudā kahtā hai bandoñ se
mujhe tum se mohabbat hai

ḳhudā kā shukr hai sab zar-pasand jāh-talab
hamārī sohbat-e-be-faiz se kinārā kareñ

nahīñ sharīk azāboñ kā jān-e-jāñ koī
ḳhudā gavāh nahīñ hai nahīñ yahāñ koī

kisī din tum ne rakkhā thā hinā.ī haath siine par
ḳhudā shāhid hai ThanDak aaj tak ham dil meñ paate haiñ

sau aiboñ kā ek aib hai ye
iflās ḳhudā na de kisī ko

ḳhud nūr-e-ḳhudā ho tum meñ paidā
dil se kho do agar ḳhudī ko

maiñ ne kahā ḳhudā se ḳhudā ne kahā mujhe
ghar se koī galī meñ nikal kyuuñ nahīñ rahā

jab bhī namāz-e-fazr adā kar lete haiñ
qasam ḳhudā kī din bhar achchhā lagtā hai

aks-dar-aks aa.ina taqsīm
ek bande pe sau ḳhudā taqsīm

kitnā ḳhālī hai ye dāman jis tarah dāmān-e-dasht
kuchh na kuchh to de use mere ḳhudā jaise havā

ḳhudā ThanDā rakhe ai sham.a tujh ko
khaḌī rotī hai bekas ke sirhāne

jab maiñ jānūñ ḳhidmat-e-ḳhalq-e-ḳhudā karte haiñ aap
DhūñD diije koī aurat shaiḳh-jī mere liye