Tags-Khuda

ḳhudā ko ilm hai zinda hai yā jal-bhun gayā shab ko
dil apnā tere parvānoñ meñ shāmil ham bhī rakhte the

allāh-re ḳhud-farebī-e-ahl-e-haram ki ab
bande bhī dekhte haiñ ḳhudā ke maqām se

go sanam murde zinde kartā hai
kaun kāfir kahe ḳhudā hai ye

kyā hai nām-e-ḳhudā hai merā sanam
but jise kahte haiñ ḳhudā hai ye

usī ne harf-e-hidāyat se sarfarāz kiyā
ḳhudā kā shukr hameñ āshnā-e-rāz kiyā

aisī ġhurbat ko ḳhudā ġhārat kare
phuul bhejvāne kī gunjā.ish na ho

rafū na kar ise ai baḳhiya-gar ḳhudā ke liye
ki chāk-e-dil se havā ḳhush-gavār aatī hai

kahāñ haiñ vo ki jo ḳhud ko ḳhudā samajhte haiñ
vo jo ki amn-o-amāñ ke fasāne kahte haiñ

ḳhudā maujūd hai jo har jagah to phir
aqīdat-kesh but-ḳhānoñ se kyuuñ uljheñ?

shab-e-mah meñ jo kal Tuk Dagmagāyā vo to sab anjum
vahīñ bole ḳhudā-hāfiz pukārā maah bismillāh

diloñ ko fikr-e-do-ālam se kar diyā āzād
tire junūñ kā ḳhudā silsila darāz kare

tumhāre kūche meñ jab se baiThe bhulā.e dil se sabhī tarīqe
ḳhudā hī shāhid jo jānte hoñ kahāñ kalīsā kahāñ haram hai

ḳhudā samajhtā hai ḳhud ko yahāñ jo aatā hai
ajiib haal hai 'ālam' sarā-e-fānī kā

khaḌā huuñ der se maiñ arz-e-mudda.ā ke liye
idhar bhī ek nazar kījiye ḳhudā ke liye

aur raaj karegī ḳhalq-e-ḳhudā
jo maiñ bhī huuñ aur tum bhī ho

jab bijlī kaḌ-kaḌ kaḌkegī
jab arz-e-ḳhudā ke ka.abe se

ye but uThā.eñ jo qur.āñ bhī ka.abe meñ ai 'rind'
ḳhudā se ham to hoñ munkir jo e'tibār kareñ

ka.abe meñ duā māñgūñgā maiñ apne ḳhudā se
yārab but-e-kāfir mujhe bulvā.e banaras

zamāne-bhar ke tum ko nāz-o-naḳhre kyuuñ uThāne haiñ
ḳhudā se ho na vābasta to Dar achchhā nahīñ lagtā

maiñ ki jis kī maiñ ne to dekhā na thā sochā na thā
sochtā huuñ vo sanam merā ḳhudā kaise huā