Tags-Khuda

ḳhudā kī be-ruḳhī par ro rahī hai
duā mujh se lipaT kar ro rahī hai

ḳhilāf-e-taqdīr kar rahā huuñ phir ek taqsīr kar rahā huuñ
phir ek tadbīr kar rahā huuñ ḳhudā agar kāmyāb kar de

bastī ke saare log jise pūjte rahe
mere liye vo fard ḳhudā kyuuñ nahīñ huā

masjūd merā rāh-numā kyuuñ nahīñ huā
terā ḳhudā bhī merā ḳhudā kyuuñ nahīñ huā

mashrab-e-ishq meñ dilā kufr hai yaar se riyā
jab ki butoñ kā dhyān ho zikr-e-ḳhudā kī vaj.h kyā

dil hī to hai na aa.e kyuuñ dam hī to hai na jaa.e kyuuñ
ham ko ḳhudā jo sabr de tujh sā hasīñ banā.e kyuuñ

mujhe bhī faḳhr hai is silsile meñ ai 'sāqib'
ḳhudā kā shukr ki huuñ hāshmī-o-muttalabī

ḳhudā kare yahīñ ruk jaa.e gardish-e-daurāñ
hai rāzdār-e-mohabbat sukūt-e-nīm-shabī

ghar se nikle the hausla kar ke
lauT aa.e ḳhudā ḳhudā kar ke

ḳhudā kare ki salāmat raheñ ye būḌhe shajar
ki ham parinde yahīñ par thakan utārte haiñ

butoñ ko barā.e ḳhudā chāhtā huuñ
sar-e-ḳham dil-e-mubtalā chāhtā huuñ

bichhaḌ ke tujh se ye lagtā thā TuuT jā.ūñgā
ḳhudā kā shukr hai pāgal nahīñ huā ab tak

mullā ne rivāyāt-o-hikāyāt baḌhā.īñ
tafsīr meñ gum ho ga.ī tahrīr ḳhudā kī

dekhe na sune baat jo ushshāq kī apne
is but meñ nazar aatī hai tasvīr ḳhudā kī

duniyā huī ābād magar vo rahā tanhā
majbūr hai kyā kījiye taqdīr ḳhudā kī

ham kar chuke jab nuur se ta.amīr ḳhudā kī
phir chāroñ taraf ḳhuub kī tash.hīr ḳhudā kī

yak-jān hue ādam-o-iblīs ke aage
aksar nahīñ chaltī koī tadbīr ḳhudā kī

nigāh-e-mast-e-sāqī bāda-ḳhvāroñ se ye kahtī hai
butoñ kī jab nazar se gir paḌo yād-e-ḳhudā karnā

terī āñkhoñ meñ ham ne kyā dekhā
kabhī qātil kabhī ḳhudā dekhā

na is hujūm meñ rakkho mujhe ḳhudā ke liye
jo sher kahte nahīñ shā.erī banāte haiñ