Tags-Khuda

na chheḌ un ko ḳhudā ke liye ki ahl-e-vafā
bhaTak ga.e haiñ to phir raah par nahīñ aa.e

ā.īne ko 'ashk' dikhāne
mere saath ḳhudā jaatā hai

tū chhoḌ gayā hai to koī ġham na kareñge
is daur meñ insān ḳhudā kā bhī nahīñ hai

mujh se bach bach ke chalī hai duniyā
mere nazdīk ḳhudā ho jaise

ab to baḌā ḳhayāl terī ranjishoñ kā hai
mahshar meñ dekh leñge ḳhudā kī ḳhudā ke saath

mai be-talab milī to huī yaar kī talab
bandoñ ke naaz bhī haiñ nirāle ḳhudā ke saath

tere sitam se mujh ko milā mansab-e-kalīm
ik vaj.h-e-guftagū nikal aa.ī ḳhudā ke saath

kyā DhūñDhte ho dahr meñ 'anvar' jamāl-e-dost
chande phiro chalo kisī mard-e-ḳhudā ke saath

yahī taqāzā hai maslahat kā isī meñ hai āfiyat bhī 'ātish'
kisī se dil ko jo rañj pahuñche use ḳhudā kī razā kaheñ ham

na jaane ham se hai kyā tavaqqo? nahīñ kisī tarah jān-baḳhshī
zamāna is pe bhī mo'tariz hai agar ḳhudā ko ḳhudā kaheñ ham

jab hathkaḌī ko toḌ ke kāfir huā farār
rote rahe asiir ḳhudā ko pukār ke

apnī marzī to ye hai banda-e-but ho rahiye
aage marzī hai ḳhudā kī so ḳhudā hī jaane

butoñ se kuchh na huā jo huā ḳhudā se huā
davā se kuchh na banā jo huā duā se huā

qabr-e-'naqqāsh' DhūñDne vaalo
merī miTTī ḳhudā kī raah meñ hai

adā-e-ishq huuñ puurī anā ke saath huuñ maiñ
ḳhud apne saath huuñ ya.anī ḳhudā ke saath huuñ maiñ

guftugū meñ zahr hai aur lahja pur-taz.hīk hai
tum ḳhudā-lagtī kaho kyā ye ravayya Thiik hai

ba-ḳhudā sajde karegā vo biThā kar but ko
ab 'haqīr' aage musalmān rahe yā na rahe

ġhamgīn manāzir na ḳhudā dekhe dikhā.e
ham pyaar mohabbat se ye tasvīr bhareñge

ḳhudā kare kahe tujh se ye kuchh ḳhudā-lagtī
ki zulf ai but-e-bad-kesh tere kaan lagī

īmān saath jā.egā kyūñkar ḳhudā ke ghar
ka.abe kā rāsta to kalīsā se mil gayā