Tags-Khuda

ḳhudā ma.alūm kis āvāz ke pyāse parinde
vo dekho ḳhāmushī kī jhiil meñ utre parinde

ḳhud ko tū jāntā nahīñ shāyad
tū samajhtā hai sab ḳhudā karegā

har ek ġham se salāmat guzar gayā hai dil
ḳhudā kare ki mohabbat kī taab le aa.e

ibādat meñ
ḳhudā ke vaqt meñ hisse kī ḳhvāhish

na ho marzī ḳhudā kī to kisī se kuchh nahīñ hotā
jo chāhe aadmī to aadmī se kuchh nahīñ hotā

udhar haiñ shikve takabbur anā ḳhudā aur husn
idhar haiñ ashk-e-nadāmat qazā namāz aur ishq

hai shaam udaas aziyyat duā namāz aur ishq
hai dasht chāñd havā maiñ ḳhudā namāz aur ishq

dukh navishta hai to āñdhī ko likhā āhista
ai ḳhudā ab ke chale zard havā āhista āhista

bhare hue haiñ hasīnān-e-sīm-tan dil meñ
ḳhudā kare kabhī ḳhālī na ho ḳhazāna-e-ishq

kahāñ maiñ abhī tak nazar aa sakā huuñ
ḳhudā jaane kitnī tahoñ meñ chhupā huuñ

vo so rahā hai ḳhudā duur āsmānoñ meñ
farishte loriyāñ gaate haiñ us ke kānoñ meñ

maiñ kis zabāñ se shukr ḳhudā kā adā karūñ
jis ne mujhe firāq kā shaidā banā diyā

azīzo bā-vafā fazl-e-ḳhudā se
maqām-e-bandagī apnā chukī huuñ

zamīñ mujh se munavvar āsmāñ raushan mire dam se
ḳhudā ke fazl se donoñ jagah qabza 'qamar' apnā

jis ko baḳhshā hai ḳhudā ne fikr kā jazba 'nazīr'
vo purānī aur na.ī saarī hī qadroñ meñ rahā

ḳhudā se le liyā jannat kā va.ade
ye zāhid to baḌe hī ghaag nikle

kabhī kī pī huī kaam aa.e aaj hashr ke din
ḳhudā ke sāmne mai-nosh surḳh-rū aa.e

vo faqīr ho ki amiir ho ki ho bādshāh mire ḳhudā
ho kisī kā koī bhī martaba yahāñ jo hai terā ġhulām hai

tujhe rab kahe koī vahgurū tū kahīñ ḳhudā kahīñ raam hai
ye haiñ ek naam kī barkateñ hameñ naam lene se kaam hai

bas ki fa.ālummā-yurīd hai aaj
har silah shor englistāñ kā