Tags-Khuda

kyā hattiyā tujhe yahīñ denī hai ai aziiz
itnā paḌā hai mulk-e-ḳhudā jā ke mar kahīñ

dildār huā nā-ḳhush ab dil kā ḳhudā-hāfiz
nazroñ meñ lagā laḌne bismil kā ḳhudā-hāfiz

shah-e-gul kī ḳhabar aa.ī aatā hai liye lashkar
gulshan meñ paḌī khal-bal bulbul kā ḳhudā-hāfiz

apnī hī vo kahtā hai par aur kī nahīñ suntā
har ik se ulajhtā hai jāhil kā ḳhudā-hāfiz

ġhairoñ se chabātā hai yāroñ se bachātā hai
chhūte hī machaltā hai chanchal kā ḳhudā-hāfiz

kis tarah koī jiite nādāñ se paḌā paalā
be-tarah kī ḳhvārī hai aaqil kā ḳhudā-hāfiz

ḳhanjar se mizha ke ye sab siina kiyā zaḳhmī
kuchh bas hī nahīñ chaltā ghāyal kā ḳhudā-hāfiz

maiñ tujh ko na kahtā thā mat 'nain' butoñ se mil
dil de ke huā rusvā be-dil kā ḳhudā-hāfiz

muhīt-e-rahmat hai josh-afzā huī hai abr-e-saḳhā kī aamad
ḳhudā kī har chiiz kah rahī hai ki ab hai nūr-e-ḳhudā kī aamad

ḳhudā shāhid hai ab to un sā bhī koī nahīñ miltā
ba-zom-e-ḳhvesh un ko aazmā kar lauT aa.e haiñ

ḳhirad se ban na paḌī kuchh to kah diyā dil se
ḳhudā tujhe tire maqsad meñ kāmyāb kare

mirī nazar ki jise chāhe be-naqāb kare
ḳhudā vo din to dikhā.e jo tū hijāb kare

haram aur dair sab naqsh-e-mohabbat haiñ so dil ko hai
ḳhad-o-ḳhāl-e-butāñ meñ bhī ḳhudā ke saath bhī rahnā

dil o diiñ kho ke aa.e the sū-e-dair
yaañ bhī sab kuchh diyā ḳhudā tū ne

bhuuk marte hue bachchoñ ko jo khānā lā de
us masīhā ko hī farzand-e-ḳhudā kahte haiñ

tū jo ab saath nahīñ hai to yahī lagtā hai
ab ḳhudā bhī to mire kaam nahīñ aa.egā

maiñ aaj sar-e-ātish-e-namrūd khaḌā huuñ
ab dekhiye ye ḳhalq-e-ḳhudā kyā mujhe samjhe

ābād ḳhudā rakkhe tujhe kū-e-mohabbat
miTTī nahīñ hotī yahāñ barbād kisī kī

guzar chuke haiñ bār-hā
ḳhudā ke ār-pār bhī

mushfiq malāz o qibla kaaba ḳhudā payambar
jis ḳhat meñ shauq se maiñ kyā kyā use likhā hai