Tags-Khuda

zindagānī kī masarrat bhī judā ham se huī
jurm ye thā ki na tardīd-e-ḳhudā ham se huī

ham gunahgār sahī phir bhī tire bande haiñ
har shab-e-ġham meñ ḳhudā terī sanā ham se huī

sab ho chuke haiñ us but-e-kāfir-adā ke saath
rah jā.eñge rasūl hī bas ab ḳhudā ke saath

ulfatoñ kā ḳhudā nahīñ huuñ maiñ
ranj-o-ġham se judā nahīñ huuñ maiñ

kis ne kho.e haiñ hosh kyā ma.alūm
kaun kāfir hai ye ḳhudā ma.alūm

bane-banā.e hue rāstoñ pe chalte hue
ḳhudā banā.e ḳhudā.ī se Darne vāloñ ne

jo merī hālat pe hans rahe haiñ mujhe kuchh un se gilā nahīñ hai
vo nā-samajh haiñ samajh rahe haiñ ki jaise merā ḳhudā nahīñ hai

ḳhūbsūrat haiñ is liye patthar
koī in meñ ḳhudā rahā hogā

lo nām-e-ḳhudā ham se banāte haiñ vo bāteñ
jin ko ki abhī baat bhī karnā nahīñ aatā

duniyā meñ yahī soch ke zinda huuñ maiñ 'afzal'
ehsās to baḳhshā hai mujhe mere ḳhudā ne

mirī qismat meñ vasl us kā agar ai āsmāñ hotā
to tū bhī mehrbāñ hotā ḳhudā bhī mehrbāñ hotā

dast-e-qudrat ne mujhe aap banāyā hai to phir
kaun sā kaam hai merā ki ḳhudā-sāz nahīñ

dī haiñ duniyā meñ ne.amateñ kyā kyā
apne bandoñ ko ai ḳhudā tū ne

mujh ko paidā kiyā ḳhudā tū ne
aur sab kuchh atā kiyā tū ne

dil lagāyā thā ek se 'hāfiz'
ai ḳhudā kyuuñ kiyā judā tū ne

nahīñ pahlū meñ jab qayām-o-qarār
ai ḳhudā kyuuñ ye dil diyā tū ne

shu.ūr-e-insān pal rahā hai
ḳhudā kī bastī meñ nafratoñ par

aurat ke ḳhudā do haiñ haqīqī o majāzī
par us ke liye koī bhī achchhā nahīñ hotā

ho mubārak tumheñ rindo ki ba-tā.īd-e-ḳhudā
koī chhalkātā huā shīsha-o-jām aayā hai

rahbar-e-jāda-e-haq nūr-e-ḳhudā haadī deñ
le ke ḳhāliq kā zamāne meñ payām aayā hai