Tags-Khuda

rahe tā-būd qaa.em rāzdārī
ḳhudā kuchh aise taale DhūñDhtā hai

tū ḳhud ko bad-duā detā hai aksar
ḳhudā ke ghar samā.at ho ga.ī to

duā lab-e-jām ne bhī māñgī subū ne bhī haath uThā uThā kar
hamārī mahfil meñ aayā saaqī ḳhudā ḳhudā kar ḳhudā ḳhudā kar

duā.eñ māñgīñ haiñ muddatoñ tak jhukā ke sar haath uThā uThā kar
huā huuñ tab maiñ butoñ kā banda ḳhudā ḳhudā kar ḳhudā ḳhudā kar

kaTī hai goyā shab-e-javānī bas aan pahuñchī hai sub.h-e-pīrī
bahut sī kī tū ne but-parastī ab ek do din ḳhudā ḳhudā kar

gunāh kartā hai barmalā tū kisī se kartā nahīñ hayā tū
ḳhudā ko kyā muñh dikhā.egā tū zarā tū ai be-hayā hayā kar

dikhāyā vahdat ne apnā jalva duī kā parda uThā uThā kar
karūñ maiñ sajda butoñ ke aage tū ai barahman ḳhudā ḳhudā kar

vasl-e-jānāñ kī tamannā hai to miT jā pahle
yuuñ mayassar nahīñ bande ko ḳhudā ho jaanā

kam se kam ek ḳhudā aur mujhe chāhiye thā
maiñ adhūrā rahā īmān mukammal kar ke

sabīl-e-sajda-e-nā-muḳhtatam banāte hue
ḳhudā tak aa.e haiñ kyā kyā sanam banāte hue

ḳhudā ko jis se pahuñcheñ haiñ vo aur hī raah hai zāhid
paTakte sar tirī go ghis ga.ī sajdoñ se peshānī

parastish kī yaañ tak ki ai but tujhe
nazar meñ sabhoñ kī ḳhudā kar chale

aatī hai pareshānī to aatā hai ḳhudā yaad
varna nahīñ duniyā meñ koī tere sivā yaad

kuchh aa chalī hai aahaT us pā-e-nāz kī sī
tujh par ḳhudā kī rahmat ai dil zarā Thaharnā

nahīñ butoñ ke tasavvur se koī dil ḳhālī
ḳhudā ne un ko diye haiñ makān sīnoñ meñ

ḳhudā jaane faqīroñ meñ ye fan kis tarah aatā hai
koī bhī sāneha guzre magar chehra khulā rakhnā

laao ik lamhe ko apne-āp meñ Duub ke dekh aa.uuñ
ḳhud mujh meñ hī merā ḳhudā ho ye bhī to ho saktā hai

falak-nashīñ sahī merā ḳhudā magar 'mohsin'
kabhī kabhī vo zamīñ par utar bhī aatā hai

milā.e ishq jo rab se 'ġhazal' hai ishq vo sachchā
ḳhudā se lau lagā le phir nahīñ kuchh yaad aanā hai

kah diyā un se barmalā matlab
ab ḳhudā chāhe to huā matlab