Tags-Khuda

mulavvis hai gunāhoñ meñ to vo bhī
ḳhudā kā zikr jo kartā rahā hai

is ḳhudā ne kāmyābī ko rakhā ūñchī jagah par
ab to mehnat kar ke hī ham ko vahāñ jaanā paḌegā

shaiḳh kahte haiñ mujhe dair na jā ka.aba chal
barhaman kahte haiñ kyuuñ yaañ bhī ḳhudā hai ki nahīñ

koī samjhe mujhe kaisā bhī ab to
ḳhudā ke ghar ibādat kar rahī huuñ

justujū un kī dar-e-ġhair pe le aa.ī hai
ab ḳhudā jaane kahāñ tak mirī rusvā.ī hai

tark-e-gunāh ai vā.iz-jī dil se nahīñ majbūrī hai
aap ḳhudā se Darte haiñ maiñ duniyā se Dartā huuñ

but samajhte the jis ko saare log
vo mire vāste ḳhudā sā thā

ḳhudā vajūd meñ hai aadmī ke hone se
aur aadmī kā tasalsul ḳhudā se qaa.em hai

tirī bātoñ se to ai 'mus.hafī' jī apnā tañg aayā
ḳhudā ke vāste chup rah na merī jaan kho kāfir

'muztar' diloñ ke andar rakhne ke the ye kāfir
dozaḳh meñ kyuuñ ḳhudā ne jannat ke phuul Daale

sab apne apne masīhā ke intizār meñ haiñ
kisī kā jaise zamāne meñ ab ḳhudā hī nahīñ

har ek baar qadam but-kade meñ lauT aa.e
ḳhudā gavāh hai masjid kā jab irāda kiyā

maiñ ḳhud-ġharaz meñ matlabī tabhī ḳhudā se pyaar bhī
kisī ke naam par kiyā ki rābta banā rahe

fasīl-e-dil meñ dar kiyā ki rābta banā rahe
ise ḳhudā kā ghar kiyā ki rābta banā rahe

ajab kyā āshiqoñ ko dil meñ ye ma.ashūq kahte hoñ
ye kyuuñ ghar gher kar merā ḳhudā kī maar baiThe haiñ

had ho ga.ī thī ham se mohabbat meñ kufr kī
jaise ḳhudā-na-ḳhvāsta vo lā-sharīk thā

dar par ḳhudā ke khīñch ke laayā thā us ko ishq
kāfir ko paḌ ga.ī thī zarūrat namāz kī

aage hai ghar raqīb kā bas saath ho chukā
ab aap kā ḳhudā hai nigahbān jā.iye

tujh se baḌh kar nigah-e-lutf-o-atā kis kī thī
is kī ta.abīr magar mere ḳhudā kis kī thī

krishn aa.e yahāñ aa.e munjī yahāñ nānak aa.e yahāñ aa.e rusul-e-ḳhudā
sabhī ik dūsre se mohabbat kareñ saarī duniyā ko un kā ye farmān hai