Tags-Khuda

vo dil hī kyā tire milne kī jo duā na kare
maiñ tujh ko bhuul ke zinda rahūñ ḳhudā na kare

ḳhudā to ek hai lekin sunā hai
zamāna ek ke aage sifar hai

is qadar huuñ tahī ḳhudā na kare
jab ḳhasāra kabhī na ho koī

muñh un kā nahīñ hai shukr varna
har but kahtā ki maiñ ḳhudā huuñ

kyuuñ kar kahūñ ārif-e-ḳhudā huuñ
āgāh nahīñ ki aap kyā huuñ

kisī hindū musalmāñ ne ḳhudā ko
na ka.abe meñ na but-ḳhāne meñ dekhā

hamla-āvar havā ḳhudā ḳhud bhī
is nahīf-o-nazār duniyā par

qahr-e-ḳhudā kī zad pe kyuuñ aa na sake siyāhkār
kis kī supurdagī meñ the kis kī panāh meñ rahe

zāhid burā na māneñge is bad-duā se ham
hoñ but-parast chāhte haiñ ye ḳhudā se ham

fitrat na.ī zamāna nayā zindagī na.ī
kohna ḳhudā ko pūjte jaane meñ kuchh nahīñ

sab kaho par hameñ ḳhudā ke liye
apne mahfil meñ ajnabī na kaho

ḳhudā ke vāste muñh se lagā de ḳhum ke ḳhum saaqī
baḌā ghanghor bādal jānib-e-mai-ḳhāna aatā hai

murīd-e-sāda to ro ro ke ho gayā taa.ib
ḳhudā kare ki mile shaiḳh ko bhī ye taufīq

huī to jā dil meñ us sanam kī namāz meñ sar jhukā jhukā kar
haram se but-ḳhāne tak to pahuñchā ḳhudā ḳhudā kar ḳhudā ḳhudā kar

har ik se Dartā huuñ maiñ aaj ik ḳhudā ke sivā
kabhī vo din the ki bas ik ḳhudā se Dartā thā

ab us par ilzām rakhe ye ḳhalq-e-ḳhudā to kyā kahiye
ham to us kī bāteñ kar ke apnā dil bahlāte haiñ

an-sunī kartā nahīñ us ko sunā kar dekhnā
hausla rakh kar ḳhudā ko sach batā kar dekhnā

ḳhudā kī den ke mohtāj-e-bandagān-e-ḳhudā
ye kyā ki māñgne vāloñ se jā-ba-jā māñgā

achchhā yaqīñ nahīñ hai to kashtī Dubā ke dekh
ik tū hī nāḳhudā nahīñ zālim ḳhudā bhī hai

rahe tā-būd qaa.em rāzdārī
ḳhudā kuchh aise taale DhūñDhtā hai