Tags-Khuda

sach hai ki ḳhudā ke rū-ba-rū bhī
sharminda ḳhatāoñ par nahīñ ham

vo banā shahar kā ḳhudā kab se
merī āñkhoñ meñ bas gayā kab se

sochtā huuñ ki apnī razā ke liye chhoḌ duuñ
vo jo kahtā hai us ko ḳhudā ke liye chhoḌ duuñ

junūñ sho.ala-sāmāñ ḳhirad shabnam-afshāñ
ḳhudā jaane ye jaan jiite ki haare

har-dam yahī duā hai ḳhudā kī janāb meñ
aa jaa.e yaar ḳhud mire ḳhat ke javāb meñ

jā.iye jā.iye ḳhudā-hāfiz
dekhiye bichhḌe kab mileñge aap

kashtī ko ḳhudā par chhoḌ bhī de kashtī kā ḳhudā ḳhud hāfiz hai
mushkil to nahīñ in maujoñ meñ bahtā huā sāhil aa jaa.e

āshiyāne kā ab ḳhudā-hāfiz
bāġhbāñ kā mizāj barham hai

rafīqoñ ko madad karne pukārā ham nahīñ karte
ḳhudā kaafī hai bandoñ kā sahārā ham nahīñ karte

vo shaḳhs bhī ajiib thā ajiib us ke shauq the
ḳhudā tarāshtā rahā sanam-garī kī aaḌ meñ

kisī meñ koī baḌā-pan mujhe dikhā.ī na de
ḳhudā kā shukr ki itnā baḌā nahīñ huuñ maiñ

kiyā azal se hai sāne.a ne but-parast mujhe
kabhū butoñ se phirūñ maiñ ye to ḳhudā na kare

ḳhudā se bhī Dar likh na ahvāl dil kā
divāne ye soz-e-raqam aur kāġhaz

kyā butoñ meñ hai ḳhudā jaane ba-qaul-ustād
na kamar rakhte haiñ kāfir na dahan rakhte haiñ

ye izn-e-ām hai ai vā.izo aao vuzū kar lo
ḳhudā kā naam le kar bai.at-e-dast-e-subū kar lo

ḳhudā jaane ye kaisī aag hai ham ne mohabbat meñ
yahī dekhā ki dil ko ḳhaak kar lo yā lahū kar lo

ye bazm-e-mai hai yaañ piinā pilānā hī ibādat hai
ijāzat hai agar chāho ḳhudā ko rū-ba-rū kar lo

ulfat kī raah par tujhe mil jā.egā ḳhudā
is be-qarār dil ko ye samjhā rahā huuñ maiñ

'fātima' kā nahīñ koī apnā
ai ḳhudā terī is ḳhudā.ī meñ

rah-e-junūñ meñ talab ke sivā nahīñ 'sayyad'
agarche tai ho ḳhudā kī kitāb kī manzil