Tags-Khuda

ab ai ḳhudā ināyat-e-bejā se fā.eda
mānūs ho chuke haiñ ġham-e-jāvedāñ se ham

kuchh ziyāda vabāl kar Daalā
phir ḳhudā ne zavāl kar Daalā

ḳhudā kā shukr hai un ko ḳhayāl to aayā
ki vo kisī kī nazar meñ samā.e baiThe haiñ

koī kahtā hai ḳhudā zamīñ se gayā nahīñ
magar kyā vaj.h hai ki shaitān būḌhe nahīñ hote

tum ḳhudā ho mujhe nahīñ inkār
lutf jab hai ki nāḳhudā bhī bano

jidhar bhī dekhūñ vahī vo dikhā.ī detā hai
maze kī baat to ye hai ki vo ḳhudā bhī nahīñ

kūche meñ tire ab 'shād' nahīñ le paak ḳhudā ne kī ye zamīñ
sad shukr sarā-e-fānī se āḳhir vo sag-e-ma.ayūb gayā

jis tarah chāho satāo mujhe har roz buto
us kā ik raat evaz lūñgā ḳhudā ne chāhā

tā-dam-e-marg na hoñ tujh se mirī jaan judā
maiñ ne chāhā thā va-lekin na ḳhudā ne chāhā

zamīn jab bhī huī karbalā hamāre liye
to āsmān se utrā ḳhudā hamāre liye

unheñ ġhurūr ki rakhte haiñ tāqat o kasrat
hameñ ye naaz bahut hai ḳhudā hamāre liye

zabāñ par yakāyak lagā qufl chup kā
kisī dūsre ko ḳhudā kahte kahte

zabāñ thak ga.ī bā-ḳhudā kahte kahte
tujhe be-vafā bā-vafā kahte kahte

ajiib ḳhvāb dikhāte haiñ nā-ḳhudā ham ko
ġharaz ye hai ki safīna kināre jā na lage

bahut hī saada hai tū aur zamāna hai ayyār
ḳhudā kare ki tujhe shahr kī havā na lage

lutf-e-qurbat hai mai-parastī meñ
maiñ ḳhudā dekhtā huuñ mastī meñ

mai kā na mai-kade kā nahīñ kuchh rahegā hosh
aa.e ḳhudā kare na koī ḳhūb-rū pasand

ḳhudā kā ḳhauf khaao kuchh Daro us zaat se logo
mujhe ab mat satāo nit-na.ī gahrī ye chāloñ se

ye Thiik hai nahīñ martā koī judā.ī meñ
ḳhudā kisī ko kisī se magar judā na kare

kyoñ dūsroñ ke sāmne rakhte ho apnī baat
suntā hai sab kī baat ḳhudā kah liyā karo