Tags-Khuda

us pe zāhir huā mirā matlab
kaash puurā kare ḳhudā matlab

ḳhudā jaane kaisī ḳhatā ho ga.ī
duāoñ meñ ab ke asar hī nahīñ

kahte haiñ aage thā butoñ meñ rahm
hai ḳhudā jāniye ye kab kī baat

ai mohabbat ke ḳhudā ai ishq ke parvardigār
har tamannā ab ḳhayāl-e-ḳhām ho kar rah ga.ī

ġhāfil ḳhudā kī yaad pe mat bhuul zīnhār
apne ta.iiñ bhulā de agar tū bhulā sake

merī tausīf saal sadiyāñ sanā
meñ nahīñ jab to phir ḳhudā kaisā

ho mujh se aadmī kī ḳhushāmad ḳhudā kī shaan
jis kā ho ye shi.ār vo insāñ nahīñ huuñ maiñ

dostī bad balā hai is meñ ḳhudā
kisī dushman ko mubtalā na kare

haq mujhe bātil-āshnā na kare
maiñ butoñ se phirūñ ḳhudā na kare

rū mire ko ḳhudā qayāmat tak
pusht-e-pā se tirī judā na kare

maza shabāb kā jab hai ki bā-ḳhudā bhī rahe
butoñ ke saath rahe aur pārsā bhī rahe

vafā-parast jahān-e-vafā ko le Duube
ajiib baat hai bande ḳhudā ko le Duube

qudrat ḳhudā kī sab meñ ḳhal.ul-īzār aao
baiTho jo mujh kane to parde meñ muñh chhupā kar

'bismil' butoñ kā ishq mubārak tumheñ magar
itne niDar na ho ki ḳhudā kā bhī Dar na ho

ḳhush-baḳht to vo hai jise tū apnā samajh le
kahne ke liye yuuñ to hamārā bhī ḳhudā hai

terā qusūr-vār ḳhudā kā gunāhgār
jo kuchh ki thā yahī dil-e-ḳhāna-ḳharāb thā

apnī āgāhī kī un ko hotī nahīñ taufīq kabhī
log ḳhudā ko DhūñD rahe haiñ āfāqī pahnā.ī meñ

haq mujhe bātil-āshnā na kare
maiñ butoñ se phirūñ ḳhudā na kare

vo jo tum ne nām-e-ḳhudā liyā sabhī ranjishoñ ko bhulā diyā
mujhe ab yaqīn ye aa gayā ki zamāna itnā burā nahīñ

nigāh-e-nāz mire dil ke ghaav par mat jā
ḳhudā kare ki tujhe apnā kārobār aa.e