Tags-Khuda

hayāt raas na aa.e ajal bahāna kare
tire baġhair bhī jiinā paḌe ḳhudā na kare

utaar de koī mujh par se ye badan kī ridā
ki maar Daale mujhe bhī mire ḳhudā kī tarah

vo mar gayā hai to kyā hai hameñ bhī marnā hai
ḳhudā gavāh hai 'beḳhud' vo sharāb-ḳhvār na thā

nifāq se ḳhudā bachā.e rog ye shadīd hai
balā-e-jān aadmī nishān-e-buz-dilī hai ye

ab ḳhudā hī se lau lagā.ūñgā
de ke dil but ko maiñ zalīl huā

kyā pūchhte ho mujh ko mohabbat meñ kyā milā
donoñ-jahāñ kā dard ba-nām-e-ḳhudā milā

dahr āshob hai savāloñ kā
aur ḳhudā lā-javāb hai so hai

naaz hai apnī bandagī pe 'hasan'
jis ko chāheñ vahī ḳhudā hogā

ai ḳhudā mamnūn huuñ terā ki mere phuul meñ
tū ne ḳhushbū-e-havas rañg-e-vafā rahne diyā

mirā ḳhat paḌh ke bole nāma-bar se jā ḳhudā-hāfiz
javāb aayā mirī qismat se lekin lā-javāb aayā

balā.eñ naag kaale nāgineñ aur saañp ke bachche
ḳhudā jaane ki is juuḌe meñ kyā kyā bāñdh Daalā hai

roz puujā ke liye phuul sajātā hai 'salām'
jaane kab us kā ḳhudā sū-e-zamīñ aa.egā

tere dīvāne ḳhudā jaane kahāñ jā nikle
der se dasht meñ āvāz-e-salāsil bhī nahīñ

ai sanam bahr-e-ḳhudā aap hī laa.eñ tashrīf
putliyoñ kā hai tamāshā mire ghar aaj kī raat

ḳhudā kare na phañse dām-e-ishq meñ koī
uThā.ī hai jo musībat kisī ko kyā ma.alūm

lā-makānī meñ makāñ hosh-o-ḳhirad ke nahīñ haiñ
yuuñ samajh le ki ḳhalāoñ kā ḳhudā vahshat hai

kuchh der Thahar jaa.e vo ḳhud hī ḳhudā kare
is baar koī aisā bahānā to hai nahīñ

ḳhū-e-vafā milī dil-e-dard-āshnā milā
kyā rah gayā hai aur jo māñgeñ ḳhudā se ham

ḳhudā jaane aapas meñ kyā pesh aa.e ye tāḳhīr-o-tājīl kyā rañg laa.e
hamārā irāda ki fauran na deñ dil tumhārī tamannā ki mil jaa.e jhaT-paT