Tags-Khuda

ḳhudā ko bhūle na jab tak hameñ ḳhudā na milā
ye mudda.ā bhī ba-juz tark-e-mudda.ā na milā

tujhe bhī is kahānī meñ kahīñ khonā hai shahzāde
ḳhudā hāfiz ye mohr-e-ḳhāndānī pusht par rakhnā

us ko paḌhnā to chuum kar paḌhnā
vo ḳhudā kī kitāb hai pyāre

ghar meñ ḳhudā ke der hai andher to nahīñ
rahmat ke dar khuleñge yahī intizār thā

rāhat o rañj se judā ho kar
baiTh rahiye kahīñ ḳhudā ho kar

ai mere ḳhudā kuchh tū hī batā ye daur-e-alam kab guzregā
is bastī meñ to musannif bhī sach kahne se ghabrāte haiñ

mire un ke ta.alluq par koī ab kuchh nahīñ kahtā
ḳhudā kā shukr sab ke muñh meñ taale paḌte jaate haiñ

na bas meñ zindagī us ke na qaabū maut par us kā
magar insān phir bhī kab ḳhudā hone se Dartā hai

hai aarzū ki aur to kyā ḳhud ḳhudā na ho
jab vo ho mere paas koī dūsrā na ho

hai shor sā taraf taraf ki sarhadoñ kī jañg meñ
zamīñ pe aadmī nahīñ falak pe kyā ḳhudā nahīñ

bahut pachhtā.egā vo bichhaḌ kar
ḳhudā jaane kidhar jā.ūñgā maiñ bhī

yuuñ hī yād-e-ḳhudā aa jaatī hai mujh ko kabhī 'sho.ala'
ki jaise sote sote ḳhvāb se bedār ho jaanā

ajab mazāq hai ham ne ḳhudā ke dhoke meñ
tamām umr kisī vasvase se bāteñ kiiñ

ḳhudā shanās hai zāhid magar nahīñ ma.alūm
ki aadmī ko jagātī hai aadmī kī pukār

zindagī likh dī ḳhudā ne ret par
ham samundar ban ke is ko dho ga.e

nikālā tere ik pushte ne kafshīñ mār-e-maġhz us kā
sivā tere ḳhudā koī kahā saktā hai kyā qudrat

ḳhudā ke ba.ad bashar kā maqām azmat hai
tum apnī kuchh bhī kahānī samajh sako to kahūñ

apnī qudrat se liyā kaam ilāhī tū ne
varna is daur kā har shaḳhs ḳhudā ho jaatā

roz dilhā-e-mai-kashāñ TuuTe
ai ḳhudā jām-e-āsmāñ TuuTe

ye terā tarz-e-bayāñ mashriqoñ sā hai 'asrā'
vo din na aa.e ke tujh ko ḳhudā ḳhudā na lage