Tags-Khuda

sukūt toḌe kabhī tū bhī dil kī baat kahe
ḳhudā kare kabhī tere bhī lab pe aa.e suḳhan

jab ye dīñ-dār haiñ duniyā kī namāzeñ paḌhte
kaash us vaqt unheñ nām-e-ḳhudā yaad rahe

qatl-e-āshiq pe kamar bāñdhī hai ai dil us ne
par ḳhudā hai ki use naam mirā yaad rahe

ġhazab ḳhudā kā kaḌī dhuup kā tavīl safar
aur us safar kā asāsa bas ik ridā-e-suḳhan

mahv itnā bhī na ho ishq-e-butāñ meñ ai 'zauq'
chāhiye bande ko har vaqt ḳhudā yaad rahe

kyuuñ butoñ kī hameñ mohabbat dī
kyā musībat ḳhudā ne Daalī hai

ek pattā bhī nahīñ hiltā ba-juz hukm-e-ḳhudā
kis tarah ābād kar leñ apne vīrāne ko ham

jab mil gayā irfān-e-nazar mujh ko ḳhudā se
phir kyuuñ mire ehsās se mahshar nahīñ utrā

uf-rī māyūsī kisī kā aasrā rakhtī nahīñ
shubah hotā hai ki tū shāyad ḳhudā rakhtī nahīñ

maiñ qā.il-e-ḳhudā-o-nabī-o-imām huuñ
banda ḳhudā kā aur alī kā ġhulām huuñ

tamām-umr gañvā dī talāsh meñ lekin
ḳhudā na miltā na miltā kahīñ sanam milte

mujhe bhī dekh mire hausle bhī dekh zarā
mirā to koī nahīñ tū nahīñ ḳhudā bhī nahīñ

kar le ḳhudā kī bandagī 'anvar'-e-ḳhasta-dil zarā
bhuul na apne rab ko tū nafs kī hirs-o-āz meñ

is bastī kā kaun masīhā is bastī kā kaun ḳhudā
ḳhud hī hashr uThāne hoñge marnā aur jī jaanā hogā

vahī in.aam zamāne se jise milnā thā
log ma.asūm haiñ kahte haiñ ḳhudā ne na diyā

ḳhudā na hotā to kārvān-e-jahāñ meñ apnī jagah na bantī
ki in dinoñ meñ hamārā pesha safar meñ nazreñ utārnā thā

ḳhudī ke zo.am meñ aisā vo mubtalā huā hai
jo aadmī bhī nahīñ thā vo ab ḳhudā huā hai

aage chal kar ye ḳhudā jaane kahāñ rah jaa.eñ
ġhair bhī chal paḌe jab azm-e-safar ham ne kiyā

us but ko kahāñ pahuñcheñ but aazar ke tarāshe
haath apne se tayyār kare jis ko ḳhudā ghaḌ