Tags-Khuda

'zafar' aadmī us ko na jāniyegā vo ho kaisā hī sāhab-e-fahm-o-zakā
jise aish meñ yād-e-ḳhudā na rahī jise taish meñ ḳhauf-e-ḳhudā na rahā

nām-e-ḳhudā ab bhī jaarī hai sab kī zabānoñ par lekin
jis jazbe ne paar lagāyā vo jazba shaitānī thā

hai judā.ī ḳhudā kī ik ne.amat
qurbateñ jab vabāl ho jaa.eñ

shahr vāloñ kā hai ḳhudā hāfiz
chor jab kotvāl ho jaa.eñ

dar-e-havas pe kahāñ tak jhukā.eñ sar 'shahbāz'
zarūratoñ ko kahāñ tak ḳhudā banānā hai

ḳhudā kare ki mayassar tirā visāl na ho
bahut aziiz haiñ ye hijr ke ujāle mujhe

ho agar ḳhauf-e-ḳhudā kaam banā kartā hai
sirf misvāk se jannat nahīñ miltī pagle

koshish thī farz ham ne bhī kī lekin is ke ba.ad
apne tamām kaam supurd-e-ḳhudā hue

kī hai bande ke liye ye be-dād
rahm Tuk bahr-e-ḳhudā kījiyegā

ye ḳhudā ban ke ri.āyat nahīñ karte haiñ 'vasī'
husn vāloñ ko kabhī qibla-o-ka.aba na banā

hai jo har shai meñ har jagah maujūd
vo ḳhudā be-nishān hai shāyad

ḳhudā kare saf-e-sardādgāñ na ho ḳhālī
jo maiñ girūñ to koī dūsrā nikal aa.e

ahl-e-ma.ānī juz na būjhegā koī is ramz ko
ham ne paayā hai ḳhudā ko sūrat-e-insāñ ke biich

tamām umr maiñ zad meñ rahā huuñ rātoñ kī
mire ḳhudā mire hisse kī ab sahar aa.e

husn-e-be-hijāb par koī parda Daal lo
tum use sanam kaho maiñ use ḳhudā kahūñ

amal kī raah se ġhāfil haiñ jo vahī 'rāhī'
ḳhudā se apne dukhoñ kā hisāb māñgte haiñ

ham rasūl-e-ḳhudā kī ummat haiñ
hai hameñ shāfa-e-umam se ġharaz

bhale haiñ yā bure jo kuchh haiñ bande to ḳhudā ke haiñ
nadāmat is qadar vaa.iz na kar mai-ḳhāne vāloñ kī

bajā hai apnī aqīdat magar savāl ye hai
vo aadmī ho to kyūñkar ḳhudā nazar aa.e

rakhūñ kisī se tavaqqo.a to kyā rakhūñ 'shahzād'
ḳhudā ne bhī to zamīñ par girā ke chhoḌ diyā