Tags-Khuda

haqīqatoñ se fasānoñ ko kyā ilāqa hai
ḳhudā nahīñ bhī hai logo magar ḳhudā bhī hai

'beḳhud' ḳhudā kā shukr butoñ kī nazar paḌī
varna ga.e the gardish-e-charḳh-e-kuhan meñ ham

tumhāre dil kī tarah ye zamīn tañg nahīñ
ḳhudā kā shukr ki paañv meñ apne lañg nahīñ

jo aa rahī hai sadā ġhaur se suno us ko
ki is sadā meñ ḳhudā boltā sā lagtā hai

ḳhudā ke vāste ai hamdamo na bolo tum
payām laayā hai kyā nāma-bar vahāñ se suno

kahīñ dekhā hai is hai.at kā ma.ashūq
nazar kiijo muslimānāñ! ḳhudā-rā

be-zabānī par mirī bolā ḳhudā
lab-kushā.ī kī ijāzat hai yahāñ

maqām-e-qurb-e-ḳhudā thā mushkil magar na thī un ko fikr-e-manzil
mile jinheñ 'nūh' se payambar idhar se jaate udhar se aate

vasl se guzre ai ḳhudā haañ ye shugūn chāhiye
sub.h ko ham uThā kareñ rū-e-nigār dekh kar

bashar kā to itnā na dil saaf hogā
tum insāñ kī sūrat meñ jaise ḳhudā ho

masrūf-e-vāz-o-pand the sultān-e-mashriqain
jo ghar se nikle khelte zohrā ke nuur ain

kyā hai ġham 'zafar' tujhe hashr kā jo ḳhudā ne chāhā to barmalā
hameñ hai vasīla rasūl kā vo hamārā hāmī-e-kār hai

ruuh kā zaḳhm na paḌh pā.egā gautam phir bhī
vo pujāran isī patthar ko ḳhudā samjhegī

rahā kartī hai ye hairat mujhe zuhd-e-riyā.ī par
ḳhudā se jo nahīñ Dartā use bande kā Dar kyā ho

abas hai nāz-e-istiġhnā pe kal kī kyā ḳhabar kyā ho
ḳhudā ma.alūm ye sāmān kyā ho jaa.e sar kyā ho

ḳhudā se log bhī ḳhā.if kabhī the
magar logoñ se ab ḳhā.if ḳhudā hai

ḳhudā kī maar ho is jehl-e-āgahī pe 'hafīz'
ba-zo.am-e-ḳhud yahāñ har shaḳhs ik payambar hai

koī aatā hai adam se to koī jaatā hai
saḳht donoñ meñ ḳhudā jaane safar kis kā hai

koī jā ke mere masīhā se kah de ḳhudā ke liye aag dil kī bujhā de
mohabbat ke sho.ale bhaḌakne lage haiñ kahīñ ḳhirman-e-zindagī jal na jaa.e