Tags-Khuda

utar bhī aao kabhī āsmāñ ke ziine se
tumheñ ḳhudā ne hamāre liye banāyā hai

jafāoñ ke gale tum se ḳhudā jaane bahut se haiñ
magar mahshar kā din hai apne begāne bahut se haiñ

zarā se kyā payām aatā hai dushman jal ke marte haiñ
ḳhudā kā shukr hai vo ḳhud idhar aayā nahīñ karte

ham sā kyā hogā koī be-sāmāñ
haa.e nām-e-ḳhudā bhī ghar meñ nahīñ

aisā lagtā hai ḳhvāb kī ta.abīr
dekhtā hai ḳhudā makānoñ meñ

guzar gayā jo mire dil pe sāneha ban kar
utar gayā vo mirī ruuh meñ ḳhudā ban kar

atā kī hai ḳhudā ne ilm kī daulat agar tujh ko
saḳhāvat kar saḳhāvat ye ḳhazāna kam nahīñ hotā

ḳhudā ke sāmne jo sar yaqīñ ke saath jhuk jaa.e
kisī tāqat ke aage phir kabhī vo ḳham nahīñ hotā

ek hañgāma shab-o-roz bapā rahtā hai
ḳhāna-e-dil meñ nihāñ jaise ḳhudā rahtā hai

ishq ko shirk kī had tak na baḌhā
yuuñ na mil ham se ḳhudā ho jaise

hai nūr-e-ḳhudā bhī yahāñ irfān-e-ḳhudā bhī
ye zaat ki hai vādī-e-sīnā bhī hirā bhī

shaiḳh kalabe se uTh nikal bāhar
ghar meñ baiThe ḳhudā nahīñ miltā

isī zamīñ ke ḳhudā qabr-gāh meñ apnī
haiñ apnī jism kī miTTī pe ḳhaak Daale hue

ek mamtā thī jise ham ne ḳhudā samjhā thā
jab vo hañstī thī utarte the sitāre ghar meñ

tujh ko ġhurūr-e-zohd hai sharm-e-gunah mujhe
zāhid kise ḳhabar ki ḳhudā ko ho kyā pasand

ġhazab hai josh-e-zuhūr terā pukārtā hai ye nuur terā
ḳhudā ne andhā kiyā hai jis ko usī ke aage hijāb meñ huuñ

hazār talḳh ho pīr-e-muġhāñ ne jab dī hai
ḳhudā na-karda jo maiñ muñh banā banā ke piyūñ

phir ahl-e-hosh ke narġhe meñ aa gayā huuñ maiñ
ḳhudā ke vāste ik baar phir pukār mujhe

un kī nazar ḳhudā na kare munfa.il ho 'kaif'
dekhūñ na kaash jazba-e-ġham ke asar ko maiñ

zarā bhī jis kī vafā kā yaqīn aayā hai
qasam ḳhudā kī usī se fareb khāyā hai