Tags-Khuda

nā-ḳhudā tujh ko mubārak ho ḳhudā.ī terī
saath tere maiñ nahīñ paar utarne vaalā

ham ko jo kuchh diyā hai duniyā ne
ham samajhte haiñ yā ḳhudā jaane

ḳhudā bhī dekhtā hai dhyān rakhnā
ḳhudā ke naam par tum ne kiyā kyā

vafā kī had dikhā kar jalne vaale dil ḳhudā-hāfiz
tujhe bhī ik charāġh-e-Kushta-e-manzil samajhte haiñ

koī apnā hai na koī hamdam-o-dard-āshnā
ai ḳhudā kis se kahe 'ejāz' apne dil kī baat

ḳhushī kā jashn ho yā mātam-e-marg-e-tamannā ho
yahāñ har haal meñ ḳhalq-e-ḳhudā ḳhāmosh rahtī hai

vaqt us se chhīn legā ḳhud-pasandī kā ġhurūr
haañ yaqīnan vo ḳhudā ban kar bahut pachhtā.egā

safed rūmāl jab kabūtar nahīñ banā to vo sho.abada-bāz
palaTne vāloñ se kah rahā thā ruko ḳhudā kī qasam banegā

aa kabhī to mire qafas kī taraf
ai nasīm-e-chaman ḳhudā ke liye

dil diyā thā tumheñ jafā ke liye
hosh meñ aa.iye ḳhudā ke liye

aap aa.e the yaañ jafā ke liye
jā.iye bhī kahīñ ḳhudā ke liye

maiñ ḳhudā ke hāthoñ se gir kar TuuTā huā pyāla huuñ
(jo apne bikhre hue TukḌoñ ko...

tum yahāñ se haTo ḳhudā ke liye
jaao vo vietnam ke jañgal

tum ḳhudā ho
ḳhudā ke beTe ho

jald naam apnā batā de jaise banda huuñ tirā
vāsta detā huuñ maiñ ai but ḳhudā ke naam kā

apne hī dam se hai charchā kufr aur islām kā
gaah aabid huuñ ḳhudā kā gah pujārī raam kā

tujh ko bashar ke ruup meñ aayā nahīñ nazar
maiñ to ḳhudā ko dekh ke aayā charāġh meñ

log milte rahte haiñ aaj bhī tire jaise
tujh sā par kahīñ koī bā-ḳhudā nahīñ miltā

kabhī ḳhudā kī parastish kabhī sanā-e-butāñ
rah-e-arab pe kabhī jāda-e-ajam pe chalā

ḳhudā ḳhudā ke ishāre pe lauT lauT gayā
taḌap taḌap ke tarīq-e-sanam sanam pe chalā