Tags-Khuda

ham ne dekhā hai inhīñ āñkhoñ se kuchh bandoñ kā
chaḌh ke kursī-e-vazārat pe ḳhudā ho jaanā

ik raat aap jism-e-ḳhudā ban ke aa.iye
aur ham gunāhgār hoñ pahlū meñ aap ke

shabāb aayā kisī but par fidā hone kā vaqt aayā
mirī duniyā meñ bande ke ḳhudā hone kā vaqt aayā

mujhe yaqīñ hai ki mere bas meñ hai manzil-e-shauq par utarnā
mujhe bahut hausla diyā hai mirī mohabbat mire ḳhudā ne

achchhe bane ḳhudā kī qasam vo shab-e-visāl
ye kah ke so ga.e ki tabī.at bigaḌ ga.ī

koī is daur meñ elān-e-nabūvat kartā
aarzū thī ki ḳhudā-sāz payambar dekhūñ

naza.a meñ bhī vo yahāñ tak nahīñ aane detā
ai ḳhudā ġhair ko aa jaa.e hamārī aa.ī

vo apne band-e-qabā kholtī to kyā lagtī
ḳhudā ke vāste koī kahe ḳhudā-lagtī

kyā nām-e-ḳhudā apnī bhī rusvā.ī hai kam-baḳht
rusvā.i-e-majnūñ bhī tamāshā.ī hai kam-baḳht

falak ne shādmāñ dekhā jise aayā usī ke sar
ḳhudā mahfūz har insāñ ko rakkhe is kamīne se

yahāñ dekhūñ vahāñ dekhūñ jahāñ dekhūñ maiñ kyā dekhūñ
kabhī ḳhud meñ tujhe dekhūñ kabhī tujh meñ ḳhudā dekhūñ

mire ḳhudā mujhe thoḌī sī zindagī de de
udaas mere janāze se jā rahā hai koī

jab ḳhudā kā Dar nahīñ to fikr-e-uqbā kyuuñ rahe
fāriġh-ul-bālī meñ koī bhūkā pyāsā kyuuñ rahe

har haal meñ rahtī hai ḳhudā par nazar apnī
ye martaba hāsil hai hameñ be-hunarī se

mere lafzoñ meñ agar tāb-o-tavānā.ī nahīñ
ai ḳhudā kyuuñ dahr meñ terā numā.inda huuñ maiñ

is añdhere meñ jab koī bhī na thā
mujh se gum ho gayā ḳhudā mujh meñ

'aḳhtar' havas-garān-e-aqīdat ke faiz se
sab kuchh ravā ba-nām-e-ḳhudā kar diyā gayā

ḳhudā rā bahr-e-istiqbāl jald ai jaan bāhar aa
ayādat ko mirī jān-e-jahāñ tashrīf laate haiñ

hamārā to hai asl-e-mudda.ā tū
ḳhudā jaane tirā kyā mudda.ā hai

haram se dair uTh jaanā nahīñ aib
agar yaañ hai ḳhudā vaañ bhī ḳhudā hai