Tags-Khuda

zāhido hashr ke din tum ko ḳhudā kyuuñ baḳhshe
vājiburrahm gunahgār to ham haiñ tum kaun

ik adnā sā parda hai ik adnā sā tafāvut
maḳhlūq meñ ma.abūd meñ bande meñ ḳhudā meñ

bujhegī kaise ḳhudā jaane us ke peT kī aag
ye surḳh surḳh sā sūraj sitāre phāñktā hai

is be-ḳhudī kā deñge ḳhudā ko vo kyā javāb
dam bharte haiñ jo chand nafas ke hubāb kā

ham jo tujh se phireñ ḳhudā se phireñ
yaad hai kuchh ye qaul kis kā thā

garebāñ haath aatā hai na sahrā tak pahuñchtā huuñ
ḳhudā ke vāste dekho mire be-dast-o-pā.ī ko

asar paidā karegī aah apnī yaar ke dil meñ
nishāne tak ḳhudā pahuñchā.egā tīr-e-havā.ī ko

na dil apnā huā apnā na ik but par huā qaabū
kareñge yaad kiyā ham ai ḳhudā tere ḳhudā.ī ko

dam-e-naz.a bhī jo vo but mujhe aa ke muñh dikhātā
to ḳhudā ke muñh se itnā na maiñ sharmsār hotā

mire fikr-o-fan pe muhīt hai jo tasavvur ek ḳhudā-numā
hai talāsh us kī nahīñ pata vo ḳhudā bhī hai ki ḳhudā nahīñ

usī kā īmāñ badal gayā hai
kabhī jo merā ḳhudā rahā thā

vo kaun shaḳhs hai kyā naam hai ḳhudā jaane
añdherī raat hai kis ko pukārtā hai koī

baḌe ḳhulūs se dāman pasārtā hai koī
ḳhudā ko jaise zamīñ par utārtā hai koī

ḳhudā rakkhe tirī zulf-e-mo.ambar ke tasavvur se
taḳhayyul merā ambar-bīz-o-ambar-fām hai saaqī

'hafīz' aisī falākat ke dinoñ meñ
faqat shukr-e-ḳhudā hai aur maiñ huuñ

udhar duniyā hai aur duniyā ke bande
idhar merā ḳhudā hai aur maiñ huuñ

ḳhudā kā naam bhī lo bāzuoñ se kaam bhī lo
tū fikr-e-kār-e-ḳhudāvand-e-kār-sāz kare

unhīñ ke husn se hai garm ishq kā bāzār
duā ḳhudā se hai umr-e-butāñ darāz kare

kabhī ḳhudā kabhī insān raah meñ haa.il
ḳhud apne aap se rishta bhī ġhā.ebāna mirā

ḳhudā se maañg jo kuchh māñgnā hai ai 'akbar'
yahī vo dar hai ki zillat nahīñ savāl ke ba.ad