Tags-Ada

unheñ dil de diyā nādīda 'afqar'
hijāb-o-ġhamza-o-nāz-o-adā kyā

rukā thā aur kahāñ kārvān-e-rāhat-e-ishq
phir us ke ba.ad vo shīrīñ-adā milā ki nahīñ

husn sarshārī-e-andāz-o-adā se guzrā
aur sab ahl-e-vafā rasm-e-vafā bhuul ga.e

unheñ tāvān meñ āñkheñ adā karnī paḌī haiñ
yahāñ jo ḳhvāb bunñe meñ hue mashġhūl malika

jurm terā na sahī merī sazā ḳhuub sahī
ā.ina-ḳhāna-e-hastī kī adā ḳhuub sahī

zamīñ par is adā se paañv rakkhā
ki āñkheñ khul ga.iiñ naqsh-e-qadam kī

zulf bikhrī hai shaam se pahle
ye adā kyā hai ye adā kyuuñ hai

kuchh yaad nahīñ us ko ki kyā bhuul gayā hai
dil jaise ki jiine kī adā bhuul gayā hai

un se baḌh-chaḌh ke to ai dost haiñ yādeñ in kī
nāz-o-andāz-o-adā meñ tirī rakkhā kyā hai

ye husn kī adā bhī ham ko samajh na aatī
thoḌī sī bas ayaañ hai baaqī to sab nihāñ hai

vo baat baat pe hañsnā tirī adā hī sahī
tamām umr rulāyā hai is adā ne mujhe

ḳhvāb lab ḳhvāb jabīñ ḳhvāb adā ḳhvāb hayā
itne ḳhvāboñ meñ koī ḳhvāb to sachchā hogā

andāz meñ shoḳhī meñ karishme meñ adā meñ
talvār thī barchhī thī kaTārī thī sināñ thī

āshiq huuñ to kyā aap kī sohbat meñ rahā huuñ
hañsnā hī paḌegā mire rone kī adā par

allāh mujhe kam se kam itnā to banā de
ek ek to dil duuñ tirī ek ek adā par

dil lene ke andāz kā kuchh naam nahīñ hai
mauqūf hai ye chiiz adā par na hayā par

ka.ī mahfiloñ meñ to yuuñ huā ki jab aa.e 'ālī'-e-ḳhush-adā
jo na khul sake to chhupe rahe jo na ro sake to rulā ga.e

kyā adā kiyā naaz hai kyā aan hai
yaañ parī kā husn bhī hairān hai

magar itnī sādgī bhī to bajā.e ḳhud adā hai
ba-ḳhayāl-e-parda-dārī ba-jamāl-e-āftābī

ye muḳhlisān-e-ishq bhī ajab adā-parast haiñ
vo muskurā diye to iltifāt kahte aa.e haiñ