Tags-Khudi

ḳhudī ho ilm se mohkam to ġhairat-e-jibrīl
agar ho ishq se mohkam to sūr-e-isrāfīl

hosh lā-hāslī-e-shikva-e-nākāmī hai
be-ḳhudī meñ mirā rāzī-ba-razā ho jaanā

sharāb-e-husn meñ mastī hai be-niyāzī kī
ḳhudī ke shīshe meñ Dhālūñ agar ijāzat ho

ḳhud apnā naam le kar kostā huuñ
ḳhudī ġhāfil nahīñ hai be-ḳhudī se

vo dil nazāra-kosh terā ye zauq-e-be-ḳhudī
jalve kī taab ho na ho un kī harīm-e-nāz ho

shah-e-be-ḳhudī ne atā kiyā mujhe ab libās-e-barahnagī
na ḳhirad kī baḳhiya-garī rahī na junūñ kī parda-darī rahī

tirā vasl hai mujhe be-ḳhudī tirā hijr hai mujhe āgahī
tirā vasl mujh ko firāq hai tirā hijr mujh ko visāl hai

paḌā huuñ sar-e-bazm maiñ dam churā.e
magar vo ise be-ḳhudī jānte haiñ

sharāb pī ke sar-e-arsh aap pahuñcheñge
'vasīm' shaiḳh ko me.arāj-e-be-ḳhudī hogī

ḳhud-ba-ḳhud jhuk ga.ī peshānī-e-arbāb-e-ḳhudī
ishq kī raah meñ aisā bhī maqām aayā hai

apnī bahār dekh ke hairān rah ga.e
vāqif hue haiñ jab se rumūz-e-ḳhudī se ham

aaj qaabū meñ ye mizāj nahīñ
be-ḳhudī kā koī ilaaj nahīñ

kalima-e-be-ḳhudī ke mujrim haiñ
aap se dostī ke mujrim haiñ

karam hai un kā jo ho jaa.e 'vāsil'-e-jānāñ
vahāñ ḳhudī kī na kuchh be-ḳhudī kī baat karo

phir usī kūche meñ jaane ke liye machlā hai dil
phir usī kūche meñ jā kar be-ḳhudī mar jā.egī

jab barq ke ehsāñ se bachānā hai ḳhudī ko
ḳhud apne hī nāloñ se nasheman ko jalā do

be-ḳhudī ne mahv-e-hairat kar diyā
aap meñ apnā tamāshā ho gayā

raa.ī zor-e-ḳhudī se parbat
parbat zof-e-ḳhudī se raa.ī

be-zauq-e-numūd zindagī maut
tāmīr-e-ḳhudī meñ hai ḳhudā.ī