Tags-Khudi

diyā apnī ḳhudī ko jo ham ne uThā vo jo parda sā biich meñ thā na rahā
rahe parde meñ ab na vo parda-nashīñ koī dūsrā us ke sivā na rahā

be-ḳhudī to zarā ġhanīmat thī
jān-levā hai āgahī tauba

be-ḳhudī se hai yahāñ be-ḳhabarī kā aalam
ḳhud-numā.ī ko vahāñ shaġhl-e-ḳhud-ārā.ī hai

jo ho sake to karo aam lā-ubālī-pan
ḳhudī ke bojh se insān TuuT jaatā hai

karb ehsās karātā hai ḳhudī ke darshan
zo.am-e-hastī ke jharoke meñ sajātā hai mujhe

mujh ko to maraz hai be-ḳhudī kā
zāhid ko gumān hai mai-kashī kā

pahle to the mahv-e-dīd muusā
ab lete maza haiñ be-ḳhudī kā

kisī kī mast-nigāhī ne haath thaam liyā
sharīk-e-hāl jahāñ merī be-ḳhudī na huī

be-ḳhudī ke ba.ad kyā guzrī nahīñ kuchh bhī ḳhabar
jalva-gāh-e-nāz tak pahuñchā bas itnā dhyān hai

mohabbat nek-o-bad ko sochne de ġhair mumkin hai
baḌhī jab be-ḳhudī phir kaun Dartā hai gunāhoñ se

rahnumā.ī aql se chāhī shurū-e-ishq meñ
afv kar ai be-ḳhudī ye merī nādānī to hai

vo nahīñ us kī magar jādūgarī maujūd hai
ik sahar-ālūd mujh meñ be-ḳhudī maujūd hai

rahguzar pe sajtī hai apnī bazm-e-tanhā.ī
terī naqsh-e-pā tanhā merī be-ḳhudī tanhā

dīda-e-ḳhūñ
be-ḳhudī ke haath se chhūTā huā ik jaam thā

ḳhudī ko liye be-ḳhudī ko sambhāle
itā.at ġhazal hai baġhāvat ġhazal hai

kahīñ 'beḳhud' tumhārī ḳhuddārī
dushman-e-be-ḳhudī na ho jaa.e

vo be-ḳhudī meñ tirā naam lab pe aa hī gayā
lo ye qasam bhī mire yaar toḌ dī maiñ ne

garm rakhtā hai jo ḳhudī apnī
be-niyāzī se vo shanāsā hai

sadāqatoñ ke payambar ga.e rasūl ga.e
ḳhudī kī hurmat-e-afzal ga.ī usuul ga.e

nazar nahīñ to mire halqa-e-suḳhan meñ na baiTh
ki nukta-hā-e-ḳhudī haiñ misāl-e-teġh-e-asīl