Tags-Khushi

maiñ muskurātā magar dī na ashk ne mohlat
ḳhushī jab ek milī saath ġham hazār mile

āshiq-e-nā-murād ko is kī razā pe chhoḌ do
is kī agar ḳhushī na ho ġham se najāt paa.e kyuuñ

majbūriyoñ ko apnī kaheñ kyā kisī se ham
laa.e ga.e haiñ, aa.e nahīñ haiñ ḳhushī se ham

ham makīnoñ ko nahīñ koī ḳhushī se matlab
faisla shahr ke vaalī ne sunā rakkhā hai

vā.izān-e-ḳhush-havas kī jhiḌkiyāñ sunte hue
lā-shu.ūrī taur par ham sarḳhushī tak aa ga.e

ḳhushī tanhā nahīñ aatī jilau meñ ġham bhī hotā hai
jahāñ hañstī haiñ kaliyāñ girya-e-shabnam bhī hotā hai

kar rahā huuñ tujhe ḳhushī se basar
zindagī tujh se daad chāhtā huuñ

ra.anā.iyoñ pe apnī nāzāñ na hoñ bahāreñ
anjām-e-ġham nihāñ hai āġhāz meñ ḳhushī ke

ik aas jo dil kī TuuT ga.ī phir dil kī ḳhushī baaqī na rahī
jaise ki añdhere ghar kā diyā gul ho to añdherā chhā jaa.e

dam-e-vidā.a meñ yuuñ muskurā rahā huuñ 'nasīm'
ki jaise un se judā.ī kī bhī ḳhushī hai bahut

kuchh to havā bhī sard thī kuchh thā tirā ḳhayāl bhī
dil ko ḳhushī ke saath saath hotā rahā malāl bhī

āḳhir ḳhushī to ishq se hāsil na kuchh huī
ham ab ġham-o-alam hī balā se talab kareñ

ḳhushī milī to ye aalam thā bad-havāsī kā
ki dhyān hī na rahā ġham kī be-libāsī kā

aksar ḳhushī hī ban ga.ī hai dushman-e-sukūñ
ġham ban gayā sukūt kā sāmāñ kabhī kabhī

maiñ us cigarette kā TukḌā huuñ
jise tum ne piyā thā apnī ḳhushī ke liye

ḳhushī kā ho koī yā ġham kā lamha
guzar jaatā hai kyoñ ruktā nahīñ hai

bādal kī siyāhī meñ kiran jaisī chamaktī
har ġham meñ chhipī ham bhī ḳhushī DhūñD rahe haiñ

safī' merī ḳhushī-o-nā-ḳhushī kyā
rakkhā jis haal meñ us ne rahā ḳhush

ḳhushī merī kisī ke haath meñ hai
huā ḳhush jo kisī ne kar diyā ḳhush

ḳhushī se aaj us ne baat kar lī
tabī.at ho ga.ī be-intihā ḳhush