Collections

Lab Shayari

Motivational Ghazals

Best Khamoshi Shayari

More Collections

Tags-Khushi

ġham ke mujrim ḳhushī ke mujrim haiñ
log ab zindagī ke mujrim haiñ

gham ke mujrim KHushi ke mujrim hain

ḳhushī ke ahd chale jaate haiñ kahāñ 'sayyad'
udāsiyoñ ke zamāne kahāñ se aate haiñ

lahu mein phul khilane kahan se aate hain

jahāñ baT rahī ho ḳhushī tol kar
vahāñ dard be-intihā māñgnā

munasib nahin aasra mangna

khule jo aah meñ bāb-e-asar na pahchāne
ḳhushī kā rañg ġham-e-mo'tabar na pahchāne

khule jo aah mein bab-e-asar na pahchane

ḳhushī ke vāste paidā huā hai kaun duniyā meñ
magar ham bhī ahl-e-dard ke shāyāñ nahīñ hotā

kuchh apna aashna kyun ai dil-e-nadan nahin hota

ḳhushī zarūr thī 'taimūr' din nikalne kī
magar ye ġham bhī sivā thā ki raat biit ga.ī

wafa ka zikr chhiDa tha ki raat bit gai

mai-kade meñ ham se mastoñ kī ḳhushī kyā rañj kyā
mil ga.e do-chār sāġhar aur duā dene lage

aag jab zaKHm-e-jigar be-intiha dene lage

jab ḳhushī kā mausam thā ham-safar thā ik aalam
kāTnī hai ab lekin ġham kī rahguzar tanhā

shahr-e-shor-o-shar tanha ghar ke baam-o-dar tanha

tere milne se ham ko ḳhushī mil ga.ī
yuuñ lagā ik na.ī zindagī mil ga.ī

tere milne se hum ko KHushi mil gai

aap kā pyaar jab se milā hai hameñ
miT ga.e saare ġham har ḳhushī mil ga.ī

tere milne se hum ko KHushi mil gai

koī mo.ajiza huā hai mirī be-ḳhudī se aage
terā ġham nikal gayā hai mirī har ḳhushī se aage

koi moajiza hua hai meri be-KHudi se aage

ḳhvāb ban kar har ḳhushī rah jā.egī
bin tire kyā zindagī rah jā.egī

KHwab ban kar har KHushi rah jaegi

jise mol lenā ho le le ḳhushī se
maiñ is vaqt donoñ jahāñ bechtā huuñ

jise mol lena ho le le KHushi se

vaqt detā hai jo pahchān to ye dekhtā hai
kis ne kis dard meñ dil kī ḳhushī rakkhī huī hai

waqt deta hai jo pahchan to ye dekhta hai

is liye shaad rahtā huuñ har haal meñ
mere dushman ko merī ḳhushī maut hai

maut hai zindagi zindagi maut hai

tum se itnā bhī kah nahīñ paa.ī
tum se mil kar mujhe ḳhushī huī hai

teri aankhon se dosti hui hai

DhūñD laayā huuñ ḳhushī kī chhāñv jis ke vāste
ek ġham se bhī use do-chār karnā hai mujhe

ek ghar apne liye tayyar karna hai mujhe

hai ḳhushī ye aap kī ai māh-rū do yā na do
kaun kahtā hai ki tum bose kisī se dab ke do

bosa dete ho agar tum mujhko do do sab ke do

ġham aur ḳhushī donoñ har roz ke mehmāñ haiñ
ye sub.h-ba-sub.h aa.ī vo shām-ba-shām aayā

jaan-bazon ke lab par bhi ab aish ka nam aaya

ġharīb ham haiñ ġharīboñ kī bhī ḳhushī ho jaa.e
nazar huzūr idhar bhī kabhī kabhī ho jaa.e

gharib hum hain gharibon ki bhi KHushi ho jae