Tags-Khwab

ai mere ḳhvāb aa mirī āñkhoñ ko rañg de
ai merī raushnī tū mujhe rāstā dikhā

vo daur aa gayā hai ki ab sāhibān-e-dard
jo ḳhvāb dekhte haiñ vahī ḳhvāb nā-rasā

tirī shoḳh āñkhoñ meñ bārhā ka.ī ḳhvāb dekhe haiñ pyaar ke
tirā pyaar merā nasīb hai kisī aur ko ye vafā na de

un kī āñkhoñ ko kahāñ ḳhvāb mayassar hote
niiñd bhar bhī jo kabhī so na sake haiñ ab tak

ishq anokhā manzar jis meñ
raaz ko ḳhvāb meñ Dhalte dekhā

ḳhvāb kī khiḌkī se us ko dekhnā achchhā lagā
niiñd ke āñgan meñ shab-bhar jāgnā achchhā lagā

ḳhvāb kaisā thā ki saarī umr āñkhoñ meñ rahā
dhyān kis kā thā ki pahroñ sochnā achchhā lagā

sultān-'rashk' ḳhud se shanāsā.ī ke liye
dekheñge ḳhvāb fursat-e-tābīr jab milī

kahāniyāñ hī sahī sab mubālġhe hī sahī
agar vo ḳhvāb hai tābīr kar ke dekhte haiñ

ḳhvāb kī tarah bikhar jaane ko jī chāhtā hai
aisī tanhā.ī ki mar jaane ko jī chāhtā hai

terā merā koī rishta to nahīñ hai lekin
maiñ ne jo ḳhvāb meñ dekhā hai koī dekh na le

ḳhvāb meñ bhī ye safar jaarī rahe
zindagī āvārgī kā naam hai

maiñ ne dekhā hai bahāroñ meñ chaman ko jalte
hai koī ḳhvāb kī tābīr batāne vaalā

sar rakh ke so gayā huuñ ġhamoñ kī salīb par
shāyad ki ḳhvāb le uḌeñ hañstī fazāoñ meñ

manziloñ ke ḳhvāb de kar ham yahāñ laa.e ga.e
ab yahāñ tak aa ga.e to rāhbar ḳhāmosh haiñ

sub.h hote ḳhvāb-e-ġhaflat se jo chauñke ham to haa.e
aañkh ke khulte hī dekhā kārvāñ koī nahīñ

ḳhvāb-gah se kyā uḌā kar le ga.ī us ko sabā
aur sab zevar hai us kā itr-dāñ koī nahīñ

tū kabhī jo bhūle se be-naqāb ho jaa.e
muntaqil haqīqat meñ apnā ḳhvāb ho jaa.e

ḳhvāb kī bastiyoñ meñ koī sar-phirā
apnī palkoñ se taqdīr gaḌhtā rahā

raat se bichhaḌne ke ḳhvāb dekh rakkhe haiñ
sub.h rāste meñ hai ḳhvāb kī hifāzat kyā