Tags-Khwab

ḳhvāb tak meñ bhī nazar aatā nahīñ ai chashm
mere ro dene pe ashkoñ kā bahāne vaalā

zindagī ḳhvāb-e-musalsal ke sivā kuchh na sahī
us kī ta.abīr to 'darshan' ko batā de saaqī

tum bhī bechain ho ham bhī betāb haiñ
jab se āñkheñ milīñ donoñ be-ḳhvāb haiñ

vo merā ḳhvāb jo mahtāb hone vaalā thā
palaT ke dekhā to kam-āb hone vaalā thā

bulāvā miTTī kā aayā thā saañs lene par
safar to yuuñ bhī mirā ḳhvāb hone vaalā thā

aa.ine kahte haiñ is ḳhvāb ko rusvā na karo
aise kho.e hue andāz se dekhā na karo

ḳhvāb meñ gar koī kamī hotī
aañkh muddat se khul chukī hotī

duniyā-e-tamāshā to badaltī hai ka.ī rañg
gah ḳhvāb lage gaah haqīqat sī lage hai

maiñ ḳhvāb ḳhāmushī mirā saaya hue haiñ jam.a
jab log apne apne girohoñ meñ baT ga.e

ḳhvāb ban kar tū barastā rahe shabnam shabnam
aur bas maiñ isī mausam meñ nahā.e jā.ūñ

tilism-e-ḳhvāb se merā badan patthar nahīñ hotā
mirī jab aañkh khultī hai maiñ bistar par nahīñ hotā

aayā huuñ tire ḳhvāb kināre pe lagā kar
tūfān se ta.abīr kī kashtī ko bachā kar

sab ke sab ḳhvāb maiñ taqsīm nahīñ kar detā
ek do ḳhvāb pas-andāz bhī kar letā huuñ

bahlā.eñ dil ko ḳhvāb-e-ḳhush-ā.ind se na kyuuñ
kyā fā.eda ki zaḳhm-e-kuhan taaza kījiye

nasīb jaag uThe so ga.e jo paañv mire
tumhāre kūche se behtar maqām-e-ḳhvāb na thā

use tab dekhte shādāb thā jab
vo sahrā har taraf ḳhush-ḳhvāb thā jab

chamaktī ḳhushbueñ thiiñ machhliyoñ kī
jazīra ḳhvāb kā dashtāb thā jab

thiiñ ham-ta.abīr 'rahmānī' kī bāheñ
badan ham-ḳhvāb kā kamḳhāb thā jab

kuchh adhūre ḳhvāb āñkhoñ meñ liye
ham bhī 'aḳhtar' darham o barham chale

yahī asāsa the zindagī kā ye ḳhvāb hī the mirā sahārā
tire taġhāful ke sañg-rezo se kirchiyoñ meñ jo baT ga.e haiñ