Tags-Khwab

tauba tauba vo mire ḳhvāb meñ kyā ā.eñge
jāgte meñ jo ḳhayāloñ se dabe jaate haiñ

har phuul hai havāoñ ke ruḳh par khilā huā
aur meñ huuñ apne ḳhvāb ke andar khilā huā

phir koī ḳhvāb tire rañgoñ se judā nahīñ dekhā
kyā kuchh dekh liyā thā ham ne kyā nahīñ dekhā

ham jise parda-e-ḳhvāb meñ rah kar dekh rahe haiñ
jāgne vaalo tum ne bhī dekhā yā nahīñ dekhā

dekh parvānoñ ke raqs-e-betāb ko sham.a aane na de aañkh meñ ḳhvāb ko
ek jhapkī sī aa.ī thī mahtāb ko aañkh kholī to koī sitārā na thā

ratjage jo bāñTtā phirtā hai saare shahr meñ
vo fasīl-e-ḳhvāb meñ barsoñ se zindānī bhī hai

maiñ sochtā huuñ magar yaad kuchh nahīñ aatā
ki iḳhtitām kahāñ ḳhvāb ke safar kā huā

'zafar' kī ḳhaak meñ hai kis kī hasrat-e-tāmīr
ḳhayāl-o-ḳhvāb meñ kis ne ye ghar banāyā thā

hamārī aañkh meñ utre haiñ saat rañg ke ḳhvāb
hamārā haq hai ki ham deñ duā mohabbat ko

uḌāte aa.e haiñ aap apne ḳhvāb-zār kī ḳhaak
ye aur ḳhaak hai ik dasht-e-be-kanār kī ḳhaak

pāmāl-e-jahāñ hue ki ham ne
kuchh ḳhvāb jahāñ ko bhī diye haiñ

rah-e-talab ke safar meñ 'ra.anā' sukūñ hai ḳhvāb-o-ḳhayāl yaksar
qadam qadam Thokareñ lageñgī nafas nafas barhamī milegī

zer-e-masjid mai-kada meñ mai-kade meñ mast-e-ḳhvāb
chauñk uThā jab dī mo.azzin ne azaañ bālā-e-sar

kāġhazoñ par saje sunahre ḳhvāb
log hote rahe plan meñ ḳhush

tuur par apne kisī din bhī ḳhur-o-ḳhvāb hai yaañ
zindagānī kā bhalā kaun sā asbāb hai yaañ

ḳhvāb-hā-e-aish ko kyā ho gayā
ye hī afsāna hai kyā thā kyā huā

mire adū ke ḳhvāb chaknā-chūr ho ke rah ga.e
maiñ jast bhar ke dasht-e-imtihān se nikal gayā

ḳhayāl-o-ḳhvāb ko alfāz meñ Dhālā nahīñ jaatā
jo karnā chāhte haiñ vo kahāñ tahrīr karte haiñ

ye ġhanīmat hai ki vo ḳhvāb adhūre hī rahe
vo jo ik umr talak

maiñ jis ḳhvāb meñ rahtā huuñ pahle us ḳhvāb tak aayā vo
phir us ḳhvāb se dil ke raste merī kitāb tak aayā vo